उरमोडीसाठी त्वरित विद्युत भार द्या

2018-01-11

उरमोडीसाठी त्वरित विद्युत भार द्या

खटाव : उरमोडी उपसा सिंचन योजनेसाठी लागणारा वाढीव विद्युत भार त्वरित उपलब्ध करुन देण्याबरोबरच हाय टेन्शन लाईनचे काम येत्या आठ महिन्यात पूर्ण करण्याचे आदेश उर्जामंत्री ना. चंद्रशेखर बावनकुळे यांनी महापारेषणच्या वरिष्ठ अधिकार्‍यांना दिले. आ. जयकुमार गोरे यांच्या मागणीवरुन उरमोडी योजनेच्या वाढीव विद्युत भार आणि एच टी लाईन टाकण्याच्या कामाबाबत उर्जामंत्री बावनकुळे यांच्या अध्यक्षतेखाली मुंबई येथे बैठक आयोजित करण्यात आली होती.   बैठकीस आ. जयकुमार गोरे, महापारेषणचे मुख्य कार्यकारी संचालक राजूकुमार मित्तल, प्रकल्प संचालक आर. डी. चव्हाण, संचालन संचालक जी. टी. मुंडे, अधिक्षक अभियंता सिन्हा, कार्यकारी अभियंता गायकवाड आदींची उपस्थिती होती. 
आ. जयकुमार गोरे यांनी उरमोडी योजनेसाठी लागणार्‍या 15 एच टी लाईनच्या कामाचे  पैसे महापारेषण कंपनीकडून भरुनही क्षेत्रीय स्तरावरुन या कामास विलंब होत असल्याची तक्रार केली होती. उरमोडी योजनेचे पाणी माण आणि खटाव तालुक्यांना पूर्ण क्षमतेने मिळणे अत्यंत गरजेचे आहे. त्यासाठी योजनेच्या पंपहाऊसमधील नवे, जुने पंप सुरु ठेवणे क्रमप्राप्त आहे. या सर्व पंपांसाठी लागणारा  एम व्हि ए वाढीव विद्युत भार त्वरित मिळावा, अशी मागणी आ. गोरेंनी केली होती. एच टी लाईन टाकण्याच्या कामात पैसे भरुनही दिरंगाई होत असल्याबद्दल बावनकुळे यांनी नाराजी व्यक्त करत हे काम त्वरीत पूर्ण करण्याचे आदेश दिले. महापारेषण कंपनीला मार्च अखेरपर्यंत अन्य ठिकाणावरुन  50 एम व्ही ए क्षमतेचा ट्रान्सफॉर्मर आणून देण्याचे तसेच अतित येथे हा ट्रान्सफॉर्मर बसवून उरमोडीसाठी अतिरिक्त भार देण्याचेही त्यांनी आदेश दिले. जी. टी. मुंडे यांनी ही कामे वेळेत करण्याची ग्वाही दिली. 
कृष्णा खोरे विकास महामंडळाकडील विद्युत विभागाच्या आराखड्यास महापारेषणने मान्यता न दिल्याने महामंडळाच्या कामाचे अंदाजपत्रक तयार होवू शकत नसल्याची बाब बावनकुळे यांच्या निदर्शनास आणून दिल्यावर त्यांनी नकाशाला तात्काळ मान्यता देण्याचे आदेश दिले. 

 


Social Sharing




आपली प्रतिक्रिया
प्रतिक्रिया

महत्वाच्या बातम्या

इसवी सन पूर्व तिसर्‍या शतकात मौर्य कुळातील चक्रवर्ती राजा सम्राट अशोकाने सध्याच्या उत्तर प्रदेशात येत असलेल्या सारनाथ येथे चार सिंहांची प्रतिकृती असणारा स्तंभ बसविला होता. भारताच्या इतिहासामध्ये सुवर्णकाळ त्यावेळी या भारत भू ने पाहिलेला होता. ब्रिटीशांच्या जोखडातून देश मुक्त झाल्यानंतर या स्तंभाची मुद्रा भारतीय संविधानाने स्विकारलेली होती. चारही बाजूला सिंह असलेली ही मुद्रा भारतीय अस्मितेची आज प्रतिक बनलेली आहे. आंतरराष्ट्रीय पातळीवर राजनैतिक मुद्रा म्हणून या मुद्रेचा सन्मान केला जातो. असे असतानाही 18 वर्षापूर्वी तत्कालीन जिल्हा पोलीस प्रमुख सुरेशराव खोपडेंनी हा अशोकस्तंभ डावलून त्याठिकाणी गरुड सदृश्य कबुतराचा पुतळा पोलीस मुख्यालयाच्या पुढ्यात का बसविला, याचे उत्तर खोपडेंना आज द्यावेच लागणार आहे.

निवृत्त पोलिस अधीक्षक सुरेश खोपडे यांनी कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील यांच्यावर जोरदार तोफ डागली. ते म्हणाले, शांतीदूताचा पुतळा हटवून त्याठिकाणी अशोकस्तंभ लावले जाणार असेल तर नांगरे-पाटील यांची चार जिल्ह्यात जाहगिरी असून तेथील लाखो एकरामध्ये कोठेही ते लावावे. शांततेचे प्रतीक काढणे हे पूर्णत: चुकीचे आहे. शांतीदूताबाबत लोकभावनेचा आदर व्हायला हवा, असे आपले स्पष्ट मत आहे.

मुंबईवरील 26/11 च्या हल्ल्याबाबतची कारणमीमांसा त्यावेळी मुंबईत कर्तव्य बजावणार्‍या तत्कालीन सर्व पोलिस अधिकार्‍यांनी करावी. तंटामुक्ती योजनेसाठी बक्षीसांची खैरात नकोच, अशा अनेक विषयांवर आपण सेवेत असताना परखड व रोखठोकपणे मते मांडल्याने आयपीएस अधिकार्‍यांची लॉबी माझ्या एन्काऊंटरसाठी टपून बसली असल्याचा गौप्यस्फोट निवृत्त पोलिस अधीक्षक सुरेश खोपडे यांनी सातारा येथे पत्रकार परिषदेत केला.

सन २०१६-१७ चे शिवछत्रती क्रीडा पुरस्कार आज जाहीर झाले असून, त्यामध्ये मुंबई विभागातून नेमबाजी (रायफल शूटिंग) या क्रीडा प्रकारात रुचिरा अरुण लावंड हिचे नाव जाहीर झाले आहे. रुचिरा वयाच्या १३ व्या वर्षांपासून या खेळात पारंगत आहे.

क्रीडा बातम्या

.
भारतीय संघाने सहाव्या वनडेत दक्षिण आफ्रिकेचा ८ गडी राखून पराभव करत मालिका ५-१ने जिंकली. दक्षिण आफ्रिकेने प्रथम फलंदाजी करत सर्व गडी गमवत २०४ धावांचं लक्ष्य भारताला दिलं. प्रत्युत्तरात भारताने फक्त ३२.१ षटकांत २ गडी गमवत दक्षिण आफ्रिकेवर सहज विजय मिळवला.

.
केरळ येथील कोयकँड बीचवर झालेल्या राष्ट्रीय फुटव्हॉली चॅम्पियनशिप स्पर्धेत कळंबे ता. सातारा येथील केदार राजकुमार देशमुख या डायस युनायटेड स्पोर्ट क्लबच्या खेळाडूने मुंबई उपनगर विभागातून चमकदार कामगिरी केली असून त्याची महाराष्ट्र संघात निवड झाली आहे. सहाव्या राष्ट्रीय फुटव्हॅाली स्पर्धेत देशातून अनेक राज्यातील खेळाडूंनी सहभाग घेतला. केरळच्या सुमद्र किनारी या स्पर्धेत महाराष्ट्राच्या खेळाडूंनी बाजी मारली. प्रशिक्षक व राष्ट्रीय खेळाडू क्याजेटन डायस यांच्या मार्गदर्शनाखाली महाराष्ट्र संघाने दुसरा क्रमांक मिळवला. यामध्ये संकेत जायजोडे, सुरज टेमकल, पृथ्वीराज चव्हाण, श्रेयस कुडाळे, आर्यन आडीवरेकर, सौरभ सूर्यवंशी, दिगंबर खरात, लोणारी या दहा खेळाडूंची महाराष्ट्र संघात निवड करण्यात आली.

.
सन २०१६-१७ चे शिवछत्रती क्रीडा पुरस्कार आज जाहीर झाले असून, त्यामध्ये मुंबई विभागातून नेमबाजी (रायफल शूटिंग) या क्रीडा प्रकारात रुचिरा अरुण लावंड हिचे नाव जाहीर झाले आहे. रुचिरा वयाच्या १३ व्या वर्षांपासून या खेळात पारंगत आहे.

.
रिओ ऑलिम्पिक रौप्यपदक विजेती बॅडमिंटनपटू पी.व्ही.सिंधूच्या एकेरी आण दुहेरीतील दमदार कामगिरीच्या जोरावर भारताने भारताने आशियाई बॅडमिंटन अजिंक्यपद स्पर्धेत विजयी सलामी दिली. मलेशियाच्या अलोर सेतार शहरात सुरु असलेल्या आशियाई बॅडमिंटन अजिंक्यपद स्पर्धेत भारताने हाँगकाँगला ३-२ अशी मात दिली. सायना नेहवालने माघार घेतल्यामुळे या स्पर्धेचे नेतृत्व सिंधूकडे सोपवण्यात आले असून नेतृत्वाला साजेशा खेळ करत सिंधूने भारताला स्पर्धेतील पहिला विजय मिळवून दिला.

.
खेलो इंडिया शालेय क्रीडा स्पर्धेच्या 7 व्या दिवशी, मंगळवारी भारोत्तोलनात महाराष्ट्राच्या जेर्मी लालरीनुंगा व तृप्ती माने यांनी सुवर्णपदके पटकावली. यासह मुले व मुलींच्या भारोत्तोलनात महाराष्ट्राने 2 रौप्य व 3 कांस्यपदकांची कमाई करून महाराष्ट्राला पदकतालिकेत आघाडी मिळवून दिली. राज्याला एकूण 59 पदके मिळाली आहेत.


Careers

Advertise with us

Privacy policy
Copyright     TODAY MEDIA NETWORK ,  All rights reserved.