ऑगस्टा वेस्टलँडप्रकरणी इटलीच्या कोर्टाकडून आरोपींची निर्दोष मुक्तता

2018-01-09

ऑगस्टा वेस्टलँडप्रकरणी इटलीच्या कोर्टाकडून आरोपींची निर्दोष मुक्तता

नवी दिल्ली : इटलीच्या एका न्यायालयाने बहुचर्चित ऑगस्टा वेस्टलँड या व्हीव्हीआयपींसाठीच्या हेलिकॉप्टर खरेदीतील घोटाळय़ाप्रकरणी सोमवारी दोघांना निर्दोष ठरवले. लिओनार्दोचे दोन माजी अधिकारी जुसपे ओरसी आणि ब्रूनो यांना निर्दोष मुक्त केले. जुसपे ओरसी आणि ब्रूनो हे प्रमुख आरोपी असल्याचे बोलले जात आहे. पुराव्यांअभावी कोर्टाकडून आरोपींना निर्दोष ठरवण्यात आले आहे.
न्यायालयाच्या आदेशानुसार, सरकारी संरक्षण समूहाचे माजी प्रमुख आणि ऑगस्टा वेस्टलँडच्या हेलिकॉप्टर यूनिटचे प्रमुख राहिलेल्या ब्रूनो यांना पुराव्याअभावी निर्दोष ठरवण्यात आले. डिसेंबर 2016 मध्ये इटलीच्या सर्वोच्च न्यायालयाने याप्रकरणी पुन्हा सुनावणी करण्याचे आदेश दिले होते. इटली न्यायालयाचा हा निर्णय भारताला मोठा धक्का असल्याचे समजते. याप्रकरणी भारतातही खटला चालू आहे. दरम्यान, सीबीआयने या निकालाविरोधात इटलीच्या सर्वोच्च न्यायालयात अपील करता येणार असल्याचे म्हटले आहे.
भारताला 12 व्हीव्हीआयपी हेलिकॉप्टर खरेदी करण्यासाठी 450 कोटी रूपयांची लाच दिल्याचे हे प्रकरण आहे. 2016 मध्ये ओरसीला साडेचार तर ब्रूनोला 4 वर्षांची शिक्षा सुनावण्यात आली होती. ऑगस्टप्रकरणी सीबीआयने वायूदलाचे माजी प्रमुख एस.पी.त्यागी सह 9 जणांविरोधात आरोपपत्र दाखल केले होते. इटलीतील फिनमेकानिका ही ऑगस्टा वेस्टलँडची सहकंपनी आहे. या कंपनीने 3600 कोटी रूपयांच्या 12 हेलिकॉप्टर पुरवण्याचे कंत्राट मिळवले होते. 2010 मध्ये झालेल्या या व्यवहारात इटलीच्या तपास यंत्रणेने लाचखेरीचा आरोप करत न्यायालयात खटला दाखल केला होता.


Social Sharing




आपली प्रतिक्रिया
प्रतिक्रिया

महत्वाच्या बातम्या

इसवी सन पूर्व तिसर्‍या शतकात मौर्य कुळातील चक्रवर्ती राजा सम्राट अशोकाने सध्याच्या उत्तर प्रदेशात येत असलेल्या सारनाथ येथे चार सिंहांची प्रतिकृती असणारा स्तंभ बसविला होता. भारताच्या इतिहासामध्ये सुवर्णकाळ त्यावेळी या भारत भू ने पाहिलेला होता. ब्रिटीशांच्या जोखडातून देश मुक्त झाल्यानंतर या स्तंभाची मुद्रा भारतीय संविधानाने स्विकारलेली होती. चारही बाजूला सिंह असलेली ही मुद्रा भारतीय अस्मितेची आज प्रतिक बनलेली आहे. आंतरराष्ट्रीय पातळीवर राजनैतिक मुद्रा म्हणून या मुद्रेचा सन्मान केला जातो. असे असतानाही 18 वर्षापूर्वी तत्कालीन जिल्हा पोलीस प्रमुख सुरेशराव खोपडेंनी हा अशोकस्तंभ डावलून त्याठिकाणी गरुड सदृश्य कबुतराचा पुतळा पोलीस मुख्यालयाच्या पुढ्यात का बसविला, याचे उत्तर खोपडेंना आज द्यावेच लागणार आहे.

निवृत्त पोलिस अधीक्षक सुरेश खोपडे यांनी कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील यांच्यावर जोरदार तोफ डागली. ते म्हणाले, शांतीदूताचा पुतळा हटवून त्याठिकाणी अशोकस्तंभ लावले जाणार असेल तर नांगरे-पाटील यांची चार जिल्ह्यात जाहगिरी असून तेथील लाखो एकरामध्ये कोठेही ते लावावे. शांततेचे प्रतीक काढणे हे पूर्णत: चुकीचे आहे. शांतीदूताबाबत लोकभावनेचा आदर व्हायला हवा, असे आपले स्पष्ट मत आहे.

मुंबईवरील 26/11 च्या हल्ल्याबाबतची कारणमीमांसा त्यावेळी मुंबईत कर्तव्य बजावणार्‍या तत्कालीन सर्व पोलिस अधिकार्‍यांनी करावी. तंटामुक्ती योजनेसाठी बक्षीसांची खैरात नकोच, अशा अनेक विषयांवर आपण सेवेत असताना परखड व रोखठोकपणे मते मांडल्याने आयपीएस अधिकार्‍यांची लॉबी माझ्या एन्काऊंटरसाठी टपून बसली असल्याचा गौप्यस्फोट निवृत्त पोलिस अधीक्षक सुरेश खोपडे यांनी सातारा येथे पत्रकार परिषदेत केला.

सन २०१६-१७ चे शिवछत्रती क्रीडा पुरस्कार आज जाहीर झाले असून, त्यामध्ये मुंबई विभागातून नेमबाजी (रायफल शूटिंग) या क्रीडा प्रकारात रुचिरा अरुण लावंड हिचे नाव जाहीर झाले आहे. रुचिरा वयाच्या १३ व्या वर्षांपासून या खेळात पारंगत आहे.

देश विदेश बातम्या

.
भारतीय लष्कराने नियंत्रण रेषेवरील कारवाईचा वेग वाढवला आहे. गेल्या तीन ते चार महिन्यात अनेकदा भारतीय लष्कराने पाकिस्तानविरोधात कारवाई केली असून, यामधील काही कारवाया 2016 मध्ये झालेल्या सर्जिकल स्ट्राईकप्रमाणे होत्या. मात्र सध्या भारतीय लष्कर कोणताही गवगवा न करता अत्यंत शांतपणे सीमेपार जात सर्जिकल स्ट्राईक करत आहे. सर्जिकल स्ट्राईकदरम्यान नियंत्रण रेषेवर कारवाई करण्यात आल्याचा दावा करण्यात आला होता, मात्र ही कारवाई नियंत्रण रेषा पार करुन करण्यात आल्याचंच जगभरातून सांगण्यात येत होतं.

.
सीमारेषेवर वारंवार होणा-या दहशतवादी हल्ल्यांच्या पार्श्वभूमीवर भारतीय लष्करानं काश्मीर खो-यात दहशतवाद्यांविरोधातील कारवाई मोठ्या प्रमाणात सुरू केली आहे. शुक्रवारी (16 फेब्रुवारी) सकाळी बारामुल्ला परिसरातील पट्टन भागात जवानांनी काही दहशतवाद्यांना घेरले आहे. सध्या जवान व दहशतवाद्यांमध्ये चकमक सुरू असल्याची माहिती समोर आली आहे.

.
पाकिस्तान नव्या अणुबॉम्मची निर्मिती करत असून त्याचा सर्वाधिक धोका भारताला असल्याचा इशारा अमेरिकेच्या गुप्तहेर खात्याने दिला आहे. भारत व पाकिस्तान दरम्यानचे संबंधही भविष्यात तणावाचे राहाणार असल्याचा दावा अमेरिकेनं केला आहे. पाकिस्तान भारतावर मोठा अण्वस्त्र हल्ला करण्याच्या तयारीत आहे.

.
अमेरिकेतील फ्लोरिडा शहरात एका शाळेत विद्यार्थ्याने केलेल्या गोळीबारात १७ शाळकरी विद्यार्थी ठार झाले असून २० जण जखमी झाल्याची धक्कादायक घटना घडली आहे. पोलिसांनी गोळीबार करणार्‍या विद्यार्थ्याला ताब्यात घेतले आहे.

.
जम्मू-पठाणकोट महामार्गावरील सुंजवा येथील लष्करी तळावरील दहशतवादी हल्ल्याच्या पार्श्वभूमीवर जम्मूत खुद्द लष्कर प्रमुखांच्या नेतृत्वाखाली शोधमोहिम सुरु आहे. लष्करी जवान आणि दहशतवाद्यांच्या चकमकीत आणखी 5 जवान शहिद झाले आहेत. तर एका नागरिकाचा मृत्यू झाल्याचे समजते. शनिवारी रात्रीच लष्कर प्रमुख बीपीन रावत घटनास्थळी दाखल झाले. परिसरात अद्याप तणावाचे वातावरण असून, 28 तासाहून अधिक काळानंतर दहशतवाद्यांचा शोध घेणे सुरुच आहे. याप्रकरणी बीपीने रावत यांनी रविवारी खास बैठक बोलवली असून ते वरिष्ठ अधिकाऱ्यांशी चर्चा करणार आहेत.


Careers

Advertise with us

Privacy policy
Copyright     TODAY MEDIA NETWORK ,  All rights reserved.