पुण्यातील 19 वर्षांची तरुणी सायकलवरुन करणार जगभ्रमंती

2018-01-04

पुण्यातील 19 वर्षांची तरुणी सायकलवरुन करणार जगभ्रमंती

नवी दिल्ली : पुण्यातील 19 वर्षाची तरुणी 130 दिवसांमध्ये सायकलवरुन जगभ्रमंती करणार आहे. हा तब्बल 29 हजार किलोमीटरचा प्रवास आहे. मूळची पुण्याची असणाऱ्या या 19 वर्षीय मुलीचे नाव वेदांगी कुलकर्णी असे आहे. जगभरातील प्रत्येक देशांमध्ये सायकलवरुन प्रवास करुन ती नवा विक्रम आपल्या नावे करण्याच्या तयारीत आहे. वेदांगी कुलकर्णी इंग्लंडमध्ये बॉर्नमाऊथ युनिव्हर्सिटीमध्ये स्पोर्ट्स विभागात दुसऱ्या वर्षामध्ये शिक्षण घेत आहे. वेदांगी आपल्या जगभ्रमंतीला ऑस्ट्रेलियाच्या पर्थ या शहरापासून सुरुवात करणार आहे. वेदांगीला सायकलवरुन स्वार होत संपूर्ण जगाला सर्वात वेगवान फेरी मारुन नवा विक्रम आपल्या नावे करायचा आहे. यासाठी तिनं आपली तयारीही सुरु केली आहे. ती रोज 320 किमी सायकल चालवण्याचा सराव करत आहे. विशेष म्हणजे जगभ्रमंतीसाठी वेदांगीनं कोणत्याही संघटनेचा पाठिंबा घेतला नाही. 
            मिरर'च्या वृत्तानुसार, वेदांगी ऑस्ट्रेलियावरुन यूएसच्या अलस्कावरुन न्यूझीलंडला जाणार आहे. त्यानंतर कॅनडा, पोर्तुगल, स्पेन, फ्रान्स, बेल्जियम, जर्मनी, डेनमार्क, स्वीडन, फिनलँड, रशिया, मंगोलिया आणि चीनला जाणार आहे. वेदांगीनं सांगितलं की, या प्रवासापासून ती #StepUpAndRideOn हा अभियान सुरू करणार आहे. महिला जगात न घाबराता काहीही करु शकतात. त्यांना घाबरण्याचे कारण नाही हे अभियान सुरु करण्यामागील उद्देश आहे.  29 हजार किमीचा हा प्रवास ती कॅमेऱ्यामध्ये कैद करणार आहे. भविष्यात लिव्हिंग एडव्हेंचर, शेअरिंग दी  एडव्हेंचर या नावानं ती लघुपट करणार आहे.  
            वयाच्या 17 व्या वर्षी वेदांगीने सायकल चालवण्यास सुरुवात केली. तिचे वडील या जगभ्रमंतीचे व्यवस्थापक आहेत. त्यांनी सांगितले की या यात्रेदरम्यान, वेलिंगटन (न्यूझीलंड) आणि स्पेन येथून प्रवास करणं सर्वात कठीण आहे. हे दोन जागा व्यवस्थित पार केल्यास दोन ग्रह पार केल्यासारखं आहे.  जुलै 2016 मध्ये वेदांगी कुलकर्णीनं भारतातील सर्वात कठिण असलेला रस्ता यशस्वीरित्या पार केला होता. तिनं मनालीतील अतिशय धोकादायक अशा मार्गानं सायकल चालवली होती. 29 हजार किमी प्रवासांमध्ये अडचण येऊ नये म्हणून ती रोज सहा ते आठ तास सलग सायकल चालवण्याचा सराव करत आहे. ट्रायल म्हणून तिनं 14 हजार किमी सायकल चालवली आहे.

 


Social Sharing




आपली प्रतिक्रिया
प्रतिक्रिया

महत्वाच्या बातम्या

क्रीडा बातम्या

.
डोळे दिपवणारे अभूतपूर्व आयोजन, प्रेक्षकांच्या हृदयाचे ठोके वाढवणारा पीळदार संघर्ष आणि मुंबईकरांनी दिलेली उत्स्फूर्त दाद... सारं काही अद्वितीय, संस्मरणीय असलेल्या महाराष्ट्र श्री राज्य अजिंक्यपद शरीरसौष्ठव स्पर्धेत सुनीत जाधवनेच जेतेपदाचा पंच मारला. जागतिक स्पर्धेत सुवर्ण जिंकणा-या महेंद्र चव्हाण, आजी-माजी मुंबई श्री सुजन पिळणकर आणि अतुल आंब्रेवर मात करीत सुनीतने आपले सलग पाचवे राज्य अजिंक्यपद जिंकण्याचा भीमपराक्रम केला. फिजीक स्पोर्टस् प्रकारात पुणेकरांनी बाजी मारली. पुरूषांमध्ये रोहन पाटणकर तर महिलांमध्ये स्टेला गौडे अजिंक्य ठरली. संपूर्ण स्पर्धेवर मुंबईकरांनी आपले वर्चस्व गाजवले. मुंबईने सांघिक विजेतेपदावर तर उपनगरने उपविजेतेपदावर आपला कब्जा केला.

.
भारतीय संघाने सहाव्या वनडेत दक्षिण आफ्रिकेचा ८ गडी राखून पराभव करत मालिका ५-१ने जिंकली. दक्षिण आफ्रिकेने प्रथम फलंदाजी करत सर्व गडी गमवत २०४ धावांचं लक्ष्य भारताला दिलं. प्रत्युत्तरात भारताने फक्त ३२.१ षटकांत २ गडी गमवत दक्षिण आफ्रिकेवर सहज विजय मिळवला.

.
केरळ येथील कोयकँड बीचवर झालेल्या राष्ट्रीय फुटव्हॉली चॅम्पियनशिप स्पर्धेत कळंबे ता. सातारा येथील केदार राजकुमार देशमुख या डायस युनायटेड स्पोर्ट क्लबच्या खेळाडूने मुंबई उपनगर विभागातून चमकदार कामगिरी केली असून त्याची महाराष्ट्र संघात निवड झाली आहे. सहाव्या राष्ट्रीय फुटव्हॅाली स्पर्धेत देशातून अनेक राज्यातील खेळाडूंनी सहभाग घेतला. केरळच्या सुमद्र किनारी या स्पर्धेत महाराष्ट्राच्या खेळाडूंनी बाजी मारली. प्रशिक्षक व राष्ट्रीय खेळाडू क्याजेटन डायस यांच्या मार्गदर्शनाखाली महाराष्ट्र संघाने दुसरा क्रमांक मिळवला. यामध्ये संकेत जायजोडे, सुरज टेमकल, पृथ्वीराज चव्हाण, श्रेयस कुडाळे, आर्यन आडीवरेकर, सौरभ सूर्यवंशी, दिगंबर खरात, लोणारी या दहा खेळाडूंची महाराष्ट्र संघात निवड करण्यात आली.

.
सन २०१६-१७ चे शिवछत्रती क्रीडा पुरस्कार आज जाहीर झाले असून, त्यामध्ये मुंबई विभागातून नेमबाजी (रायफल शूटिंग) या क्रीडा प्रकारात रुचिरा अरुण लावंड हिचे नाव जाहीर झाले आहे. रुचिरा वयाच्या १३ व्या वर्षांपासून या खेळात पारंगत आहे.

.
रिओ ऑलिम्पिक रौप्यपदक विजेती बॅडमिंटनपटू पी.व्ही.सिंधूच्या एकेरी आण दुहेरीतील दमदार कामगिरीच्या जोरावर भारताने भारताने आशियाई बॅडमिंटन अजिंक्यपद स्पर्धेत विजयी सलामी दिली. मलेशियाच्या अलोर सेतार शहरात सुरु असलेल्या आशियाई बॅडमिंटन अजिंक्यपद स्पर्धेत भारताने हाँगकाँगला ३-२ अशी मात दिली. सायना नेहवालने माघार घेतल्यामुळे या स्पर्धेचे नेतृत्व सिंधूकडे सोपवण्यात आले असून नेतृत्वाला साजेशा खेळ करत सिंधूने भारताला स्पर्धेतील पहिला विजय मिळवून दिला.


Careers

Advertise with us

Privacy policy
Copyright     TODAY MEDIA NETWORK ,  All rights reserved.