सुदृढ मनासाठी सुदृढ शरीरही कमवा : सुजीत शेडगे

2017-12-22

सुदृढ मनासाठी सुदृढ शरीरही कमवा : सुजीत शेडगे

सातारा : जीवनात बुध्दीमत्तेबरोबरच शारिरिक जडणघडणही तितकीच महत्वाची आहे. जीवनात यशस्वी होण्यासाठी जिद्द, चिकाटी, ध्येय, कष्ट आणि सातत्यही हवेच. जीवनात खेळांचे महत्व मोठे आहे. आपण सर्वांनी सुदृढ मनासाठी सुदृढ शरीरही कमवा.आज विजय मिळवला तर हुरळून जाउ नका आणि हरला तर खचून जाउ नका, असे उद्गार शिवछत्रपती पुरस्कार विजेते ज्येष्ठ मल्लखांबपटू आणि मार्गदर्शक सुजीत शेडगे यांनी काढले. 
सातारा येथील डेक्कन एज्युकेशन सोसायटीच्या न्य्ाू इंग्लिश स्कुलच्या  2017 च्या वाषिर्ंक क्रिडा महोत्सवास मोठ्या उत्साहात आज प्रारंभ झाला, यावेळी प्रमुख पाहुणे म्हणून सुजीत शेडगे उपस्थित होते. त्यांनी वरील उद्गार काढले. यावेळी  शिवछत्रपती पुरस्कार विजेत्या आंतरराष्ट्रीय बास्केटबॉल खेळाडू सौ.प्राची वेलणकर थत्ते याही पमख पाहुण्या म्हणून होत्या तर प्रभारी शालाप्रमुख डी.एस. कांबळे, क्रिडा महोत्सवाच्या प्रमुख सौ.सीमा जोशी, उपप्रमुख घनश्याम नवले, पर्यंवेक्षक जे. वाय.जाधव,गौतम वाघमारे, सुजाता पाटील, अक्षता जाधव यांची व्यासपीठावर  प्रमुख उपस्थिती होती. 
आमीॅ आणि नेव्ही ग्रुपच्या कॅडेटसच्या सोबत या मान्यवरांचे व्यासपीठावर आगमन झाल्यावर प्रभारी शालाप्रमुख डी.एस. कांबळे यांनी मान्यवरांचे स्वागत केले त्यानंतर कुरणेश्‍वर येथुन आणलेल्या शाळेच्या क्रिडा ज्योतीचे आणि सरस्वती देवीचे पुजन करुन फुग्यांनंी सजवलेला शाळेच्या नावाचा फलक व जीवंत कबुतरे आकाश सोडत  या महोत्सवाचे उदघाटन करण्यात आले.
आपल्या प्रास्ताविकात डी.एस. कांबळे यांनी कला,क्रिडा तसेच सर्वच श्रेत्रात आपली शाळा अग्रेसर असून केवळ बोैध्दिक विकास महत्वाचा नाही तर यासाठी शारिरिक विकास ही व्हावा यादृष्टीने हा महोत्सव शाळा घेत आहे. गेली अनेक वर्षे या महोत्सवातून मोठ्या पातळीवर खेळाडू निर्माण झाले आहेत. निरोगी शरीर हे निरोगी मन निर्माण करते. आज लाभलेले पाहुणे ही याच शाळेचे माजी विद्यार्थी असून त्यांनी उत्तुंग यश संपादन केले. असेच यश तुम्ही ही भावी आयुष्यात मिळवा असे सांगितले. 
सौ.प्राची थत्ते यांनी खेळात जिद्द महत्वाची आहे. अभ्यास आणि खेळाचा समन्वय साधा,चिकाटी महत्वाची असून आज खेळत उद्या मोठे व्हा अश्या शब्दात सर्व खेळाडूंना शुभेच्छा दिल्या. क्रिडा महोत्सवात प्रमुख पाहुण्यांपुढे शालेय मुला मुलींनी रिंग कवायत,निशाण कवायत, घुंगुर काठी,मर्दानी खेळात  पेटलेले पलीते व लाठी काठीचे प्रात्याक्षिक, झांजपथक, मानवी मनोरे, लेझीम पथक, झुंबा हा दक्षिण अफ्रिकेतील एरोबिक्स अर्थात व्यायाम प्रकार सादर केले. यावेळी शाळेच्या घोषपथकाच्या वतीने सचीन राजोपाध्ये व राजेंद्र आफळे सरांच्या मार्गदर्शनाखाली मुलामुलींनी सुरेख बँड,बासरी बिगुल व ढोल वादन केले.  
समारंभात शाळेच्या वतीने राष्ट्रीय तसेच राज्य,विभागीय व जिल्हा स्तरावर विशेष प्रावीण्य मिळवेलल्या सर्व मुलामुलींचा सत्कार सन्मान चिन्हे देउन करण्यात आला तसेच दिल्ली येथील  आरडीसी या विशेष संचलनात सहभागी झालेली शाळेची कु.अक्षता सहदेव जाधव या बॉक्संींगपटूचा विशेष सत्कार करण्यात आला.  
समारंभाचे सुत्रसंचालन सुधाकर गुरव यांनी केले तर आभार प्रदर्शन खटावकर सर यांनी केले. 2 दिवस चालणार्‍या या महोत्सवाच्या यशस्वीतेसाठी शाळेचे प्रभारी शाला प्रमुख डी. एस. कांबळे, पर्यंवेक्षक जे. वाय.जाधव,गौतम वाघमारे, सुधीर विसापुरे,सौ. पुजा पाटील, क्रिडा महोत्सवाच्या प्रमुख सौ.सीमा जोशी,उपप्रमुख घनश्याम नवले,संग्राम उथळे,कैलास बागल ,एस. एन. जाधव, दिपक पवार, कु. शेवते, पाटील, वाय.डी.जाधव, सौ. हराळे, काकडे, मजलेकर, वनवे. मोरे, कु.जान्हवी देशपांडे, सौ.सुवर्णा देशपांडे आदी परीश्रम घेत आहेत. 


Social Sharing




आपली प्रतिक्रिया
प्रतिक्रिया

महत्वाच्या बातम्या

क्रीडा बातम्या

.
डोळे दिपवणारे अभूतपूर्व आयोजन, प्रेक्षकांच्या हृदयाचे ठोके वाढवणारा पीळदार संघर्ष आणि मुंबईकरांनी दिलेली उत्स्फूर्त दाद... सारं काही अद्वितीय, संस्मरणीय असलेल्या महाराष्ट्र श्री राज्य अजिंक्यपद शरीरसौष्ठव स्पर्धेत सुनीत जाधवनेच जेतेपदाचा पंच मारला. जागतिक स्पर्धेत सुवर्ण जिंकणा-या महेंद्र चव्हाण, आजी-माजी मुंबई श्री सुजन पिळणकर आणि अतुल आंब्रेवर मात करीत सुनीतने आपले सलग पाचवे राज्य अजिंक्यपद जिंकण्याचा भीमपराक्रम केला. फिजीक स्पोर्टस् प्रकारात पुणेकरांनी बाजी मारली. पुरूषांमध्ये रोहन पाटणकर तर महिलांमध्ये स्टेला गौडे अजिंक्य ठरली. संपूर्ण स्पर्धेवर मुंबईकरांनी आपले वर्चस्व गाजवले. मुंबईने सांघिक विजेतेपदावर तर उपनगरने उपविजेतेपदावर आपला कब्जा केला.

.
भारतीय संघाने सहाव्या वनडेत दक्षिण आफ्रिकेचा ८ गडी राखून पराभव करत मालिका ५-१ने जिंकली. दक्षिण आफ्रिकेने प्रथम फलंदाजी करत सर्व गडी गमवत २०४ धावांचं लक्ष्य भारताला दिलं. प्रत्युत्तरात भारताने फक्त ३२.१ षटकांत २ गडी गमवत दक्षिण आफ्रिकेवर सहज विजय मिळवला.

.
केरळ येथील कोयकँड बीचवर झालेल्या राष्ट्रीय फुटव्हॉली चॅम्पियनशिप स्पर्धेत कळंबे ता. सातारा येथील केदार राजकुमार देशमुख या डायस युनायटेड स्पोर्ट क्लबच्या खेळाडूने मुंबई उपनगर विभागातून चमकदार कामगिरी केली असून त्याची महाराष्ट्र संघात निवड झाली आहे. सहाव्या राष्ट्रीय फुटव्हॅाली स्पर्धेत देशातून अनेक राज्यातील खेळाडूंनी सहभाग घेतला. केरळच्या सुमद्र किनारी या स्पर्धेत महाराष्ट्राच्या खेळाडूंनी बाजी मारली. प्रशिक्षक व राष्ट्रीय खेळाडू क्याजेटन डायस यांच्या मार्गदर्शनाखाली महाराष्ट्र संघाने दुसरा क्रमांक मिळवला. यामध्ये संकेत जायजोडे, सुरज टेमकल, पृथ्वीराज चव्हाण, श्रेयस कुडाळे, आर्यन आडीवरेकर, सौरभ सूर्यवंशी, दिगंबर खरात, लोणारी या दहा खेळाडूंची महाराष्ट्र संघात निवड करण्यात आली.

.
सन २०१६-१७ चे शिवछत्रती क्रीडा पुरस्कार आज जाहीर झाले असून, त्यामध्ये मुंबई विभागातून नेमबाजी (रायफल शूटिंग) या क्रीडा प्रकारात रुचिरा अरुण लावंड हिचे नाव जाहीर झाले आहे. रुचिरा वयाच्या १३ व्या वर्षांपासून या खेळात पारंगत आहे.

.
रिओ ऑलिम्पिक रौप्यपदक विजेती बॅडमिंटनपटू पी.व्ही.सिंधूच्या एकेरी आण दुहेरीतील दमदार कामगिरीच्या जोरावर भारताने भारताने आशियाई बॅडमिंटन अजिंक्यपद स्पर्धेत विजयी सलामी दिली. मलेशियाच्या अलोर सेतार शहरात सुरु असलेल्या आशियाई बॅडमिंटन अजिंक्यपद स्पर्धेत भारताने हाँगकाँगला ३-२ अशी मात दिली. सायना नेहवालने माघार घेतल्यामुळे या स्पर्धेचे नेतृत्व सिंधूकडे सोपवण्यात आले असून नेतृत्वाला साजेशा खेळ करत सिंधूने भारताला स्पर्धेतील पहिला विजय मिळवून दिला.


Careers

Advertise with us

Privacy policy
Copyright     TODAY MEDIA NETWORK ,  All rights reserved.