मनोरुग्णांच्या पुनर्वसनाचा वसा, पुण्यातील कर्वे समाज सेवा संस्थेचा पुढाकार

2017-10-12

मनोरुग्णांच्या पुनर्वसनाचा वसा, पुण्यातील कर्वे समाज सेवा संस्थेचा पुढाकार

पुणे: कुटुंब व समाजापासून दूर होऊन दिवसेंदिवस रस्त्यावर भटकत फिरणारे, पोटाची खळगी भरण्यासाठी कचराकुंडीत टाकून दिलेले अन्न व तहान भागविण्यासाठी गटारीतील पाणी पिऊन उदरनिर्वाह करणारे, आणि दुर्दैवाने  याच समाजाचा दुर्लक्षित का होईना पण एक महत्वपूर्ण घटक असणारे मनोरुग्ण आज कर्जत येथील श्रद्धा पुनर्वसन केंद्राच्या सहकार्याने रस्त्यावरून उचलून त्यांचे पुनर्वसन करण्यासाठी पुण्याची कर्वे समाज सेवा संस्था सरसावली असून जागतिक आरोग्य दिनाचे औचित्य साधून आज १० मनोरुग्णांना पुण्याच्या विविध रस्त्यांवरून उचलून पुढील उपचार व पुनर्वसनासाठी कर्जत येथील श्रद्धा पुनर्वसन केंद्रामध्ये पाठविण्यात आले आहे.
जगभरात सर्वत्र १० ऑक्टोबर हा जागतिक मानसिक आरोग्य दिवस म्हणून साजरा केला जातो, याचेच औचित्य साधून पुण्याच्या कर्वे समाज सेवा संस्थेच्या समुपदेशन विभाग व कर्जत, जि रायगड येथील श्रद्धा पुनर्वसन केंद्राच्या संयुक्त विद्यमाने विविध उपक्रमांनी हा साजरा करण्यात आला.
राज्याचे अपंग कल्याण आयुक्त नितीन पाटील यांच्या हस्ते तसेच संस्थेचे संचालक डॉ दिपक वलोकर, डॉ महेश ठाकूर, प्रा. चेतन दिवान यांच्या प्रमुख उपस्थितीत मानसिक आरोग्य सप्ताहाचे उद्घाटन करून विद्यार्थ्यांना मानसिक आजारवर मार्गदर्शनपर व्याख्यानाने सप्ताहाच्या कार्यक्रमांची सुरुवात करण्यात आली.
पुण्याच्या रस्त्यावर फिरणाऱ्या मनोरुग्णांना श्रद्धा पुनर्वसन केंद्राच्या रेहान रझा, रमाकांत वड्डेवार, पूजा व वंदना या समाजकार्यकर्त्यांच्या मदतीने उचलून पुढील उपचार व पुनर्वसनासाठी कर्जत येथील श्रद्धा पुनर्वसन केंद्रामध्ये पाठविण्यात आले आहे. विशेष म्हणजे राज्याचे अपंग कल्याण आयुक्त नितीन पाटील यांनी आपल्या दालनातून बाहेर येऊन रुग्नवाहीकेमध्ये बसलेल्या सर्व मनोरुग्णांना प्रत्यक्ष भेटून त्यांच्याशी मनमोकळा संवाद साधला व त्यांच्या पुढील उपचारासाठी त्यांना शुभेच्छा दिल्या.
कर्वे समाज सेवा संस्थेचे संचालक डॉ दीपक वलोकर, समुपदेशन अभ्यासक्रम प्रमुख डॉ महेश ठाकूर, समन्वयक व प्रमुख प्रा. चेतन दिवाण यांच्या मार्गदर्शनाखाली प्रा दादा दडस व समुपदेशन विभागाच्या विद्यार्थ्यांनी ससून हॉस्पिटल ते अपंग कल्याण आयुक्त कार्यालय अशी रॅली काढून विविध बॅनर्स, पोस्टर्स व माहिती पत्रके वाटपाच्या माध्यमातून जनजागृती करीत आयुक्तांना विविध मागण्यांचे निवेदन देखील सादर करण्यात आले.


Social Sharing




आपली प्रतिक्रिया
प्रतिक्रिया

महत्वाच्या बातम्या

महाराष्ट्र बातम्या

.
पोलिसांना अडकविण्यासाठी आरोपीने पोलीस ठाण्यातील खिडकीवर डोके आपटून आत्महत्येचा प्रयत्न केल्याची घटना उघडकीस आली. फिरोज उर्फ चिंधी शाब्बीर खान असे आरोपीचे नाव असून, या प्रकरणी गोरेगाव पोलिसांनी गुन्हा दाखल करून अधिक तपास सुरू केला आहे.

.
कल्याण रेल्वे स्थानक हे जंक्शन. त्याठिकाणी लाखो प्रवासी ये जा करतात. नेहमीच वर्दळीचे ठिकाण. रविवारी रात्रीसाडे आठ वाजताची वेळ. दोन चिमुकल्या मुलींना एक अज्ञात इसम रेल्वे स्थानकात सोडून जातो. त्यापैकी एकी मुलीचे वय अवघे दोन वर्षे तर दुसरीचे तीन वर्षे. सुदैवाने या दोन्ही मुली रेल्वे पोलिसांच्या हाती लागतात. तेव्हा रेल्वे स्थानकातील सीसीटीव्ही फूटेज तपासले जाते.

.
विकिपीडियाने आयोजित केलेल्या ‘विकी लव्हस् मोनुमेंटस’ या जगातील सर्वात मोठ्या छायाचित्र स्पर्धेत पी.खरोटे यांनी कॅमेराबद्ध केलेले पुणे जिल्ह्यातील जेजुरी च्या खंडोबा यात्रेचे छायाचित्र जगातील प्रथम क्रमांकाचे छायाचित्र ठरले आहे. ‘विकी लव्हस मोनुमेंट्स’ या संकल्पनेवर आधारित जगातील वारसा स्थळांचे छायाचित्र स्पर्धा विकिपीडियाने आयोजित केली होती. जगातील ही सर्वात मोठी छायाचित्र स्पर्धा होती.

.
गणेश पेठ दूधभट्टीलगतच्या नागझरी नाल्यात एका पंधरा ते सोळा वर्षांच्या मुलासह दोघा पुरुषांचे मृतदेह शुक्रवारी सायंकाळी आढळल्याने शहरात खळबळ उडाली. कचरा गोळा करण्याऱ्या दोन गटातील भांडणावरुन हे तिहेरी हत्याकांड प्रकरण घडल्याचं उघडकीस आले. या प्रकरणी पोलिसांनी दोन जणांना ताब्यात घेतले आहे, तर त्यांचा तिसरा साथीदार फरार आहे.

.
आधारकार्ड शिधापत्रिकेशी जोडणे अनिवार्यच असल्याचे मुंबई उच्च न्यायालयाने शुक्रवारी स्पष्ट केले आहे.


Careers

Advertise with us

Privacy policy
Copyright     TODAY MEDIA NETWORK ,  All rights reserved.