40 तासांनंतरही जवाहर द्विपावरील आग धुमसलेलीच

2017-10-08

40 तासांनंतरही जवाहर द्विपावरील आग धुमसलेलीच

मुंबई : जवळपास 40 तास उलटून गेल्यानंतरही मुंबईजवळच्या बुचर म्हणजेच जवाहर द्विपावरील तेलाच्या टाकीला लागलेली आग अजूनही सुरुच आहे. आग लागलेल्या टाकीत अजून सत्तर हजार लिटर डिझेल शिल्लक आहे. त्यामुळे आग आटोक्यात येण्यासाठी अजून दहा ते बारा तास लागू शकतात.
आगीमुळे जवळपास 235 कोटींचं नुकसान झाल्याचा अंदाज आहे. शुक्रवारी संध्याकाळी साडे चारच्या सुमारास बीपीसीएल कंपनीच्या मालकीच्या तेलाच्या टाकीला आग लागली. तेव्हापासून भरसमुद्रात हे अग्नीतांडव सुरूच आहे.
ज्या टाकीला आग लागली, त्यात 32 हजार मेट्रिक टन हायस्पीड डिझेल आहेत. जवाहर द्वीप हे घारापुरी लेण्यांजवळ असून ते मुंबई पोर्ट ट्रस्टच्या मालकीचं आहे. तेलाचा साठा करण्यासाठी हे द्वीप विविध कंपन्यांना भाडेतत्वावर देण्यात आलं आहे.
आग लागलेल्या टाकीमध्ये सध्या साडे तीन मिटर म्हणजे सत्तर हजार लिटर डिझेल आहे. संपूर्ण डिझेल जळण्यासाठी दहा ते बारा तास लागू शकतात. तरीही आग विझवण्यासाठी युद्धपातळीवर प्रयत्न सुरु आहेत. आगीमुळे तापमानात प्रचंड वाढ झाली आहे. त्यामुळे आग लवकर आटोक्यात आली नाही तर समुद्रात भीषण परिस्थिती तयार होऊ शकते.

 


Social Sharing




आपली प्रतिक्रिया
प्रतिक्रिया

महत्वाच्या बातम्या

महाराष्ट्र बातम्या

.
पोलिसांना अडकविण्यासाठी आरोपीने पोलीस ठाण्यातील खिडकीवर डोके आपटून आत्महत्येचा प्रयत्न केल्याची घटना उघडकीस आली. फिरोज उर्फ चिंधी शाब्बीर खान असे आरोपीचे नाव असून, या प्रकरणी गोरेगाव पोलिसांनी गुन्हा दाखल करून अधिक तपास सुरू केला आहे.

.
कल्याण रेल्वे स्थानक हे जंक्शन. त्याठिकाणी लाखो प्रवासी ये जा करतात. नेहमीच वर्दळीचे ठिकाण. रविवारी रात्रीसाडे आठ वाजताची वेळ. दोन चिमुकल्या मुलींना एक अज्ञात इसम रेल्वे स्थानकात सोडून जातो. त्यापैकी एकी मुलीचे वय अवघे दोन वर्षे तर दुसरीचे तीन वर्षे. सुदैवाने या दोन्ही मुली रेल्वे पोलिसांच्या हाती लागतात. तेव्हा रेल्वे स्थानकातील सीसीटीव्ही फूटेज तपासले जाते.

.
विकिपीडियाने आयोजित केलेल्या ‘विकी लव्हस् मोनुमेंटस’ या जगातील सर्वात मोठ्या छायाचित्र स्पर्धेत पी.खरोटे यांनी कॅमेराबद्ध केलेले पुणे जिल्ह्यातील जेजुरी च्या खंडोबा यात्रेचे छायाचित्र जगातील प्रथम क्रमांकाचे छायाचित्र ठरले आहे. ‘विकी लव्हस मोनुमेंट्स’ या संकल्पनेवर आधारित जगातील वारसा स्थळांचे छायाचित्र स्पर्धा विकिपीडियाने आयोजित केली होती. जगातील ही सर्वात मोठी छायाचित्र स्पर्धा होती.

.
गणेश पेठ दूधभट्टीलगतच्या नागझरी नाल्यात एका पंधरा ते सोळा वर्षांच्या मुलासह दोघा पुरुषांचे मृतदेह शुक्रवारी सायंकाळी आढळल्याने शहरात खळबळ उडाली. कचरा गोळा करण्याऱ्या दोन गटातील भांडणावरुन हे तिहेरी हत्याकांड प्रकरण घडल्याचं उघडकीस आले. या प्रकरणी पोलिसांनी दोन जणांना ताब्यात घेतले आहे, तर त्यांचा तिसरा साथीदार फरार आहे.

.
आधारकार्ड शिधापत्रिकेशी जोडणे अनिवार्यच असल्याचे मुंबई उच्च न्यायालयाने शुक्रवारी स्पष्ट केले आहे.


Careers

Advertise with us

Privacy policy
Copyright     TODAY MEDIA NETWORK ,  All rights reserved.