जिल्हास्तरीय बास्केटबॉल स्पर्धेत सातारा इंग्लिश मिडियमला विजेतेपद

2017-09-29

जिल्हास्तरीय बास्केटबॉल स्पर्धेत सातारा इंग्लिश मिडियमला विजेतेपद

सातारा: विविध खेळांमध्ये प्राविण्य मिळवण्याचे सातत्य सातारा इंग्लिश मिडियम स्कूलने कायम राखले आहे. शाहू स्टेडियम येथे झालेल्या जिल्हास्तरीय बास्केटबॉल स्पर्धेत १४ वर्षाखालील गटात निर्मला कॉन्व्हेंट स्कूल नमवून विजेतेपद मिळवले.
       शाहू स्टेडियम येथे जिल्हास्तरीय बास्केटबॉल स्पर्धा झाल्या. सातारा इंग्लिश मिडीयम स्कूलच्या १४ वर्षाखालील मुलांनी उपांत्य फेरीत न्यू एरा इंग्लिश मिडीयम स्कूल पाचगणीला २४ -६ असे नमवून अंतिम फेरीत प्रवेश केला. त्यानंतर  अंतिम फेरीतही उत्कृष्ट खेळ करत निर्मला कॉन्व्हेंट स्कूल ३८ -२१ असे नमवून विजेतेपद मिळवले.

       सातारा इंग्लिश मिडीयम स्कूलतर्फे तन्मय कोकरे, सोहन शेळके, सिध्दार्थ बेलकर, साईराज जाधव, आदित्य पवार, आदित्य जाधव, आर्यन जाधव, कारण डिकोंडा, वरद गवाणे, विरेंद्र गिरी, आकाश शिंदे, कुणाल शिराळे यांनी भाग घेतला. त्यांची निवड निवड दि.६ व ७ ऑक्टोबर रोजी सांगली येथे होणा-या कोल्हापूर विभागीय बास्केटबॉल स्पर्धेसाठी झाली आहे.या संघाला राष्ट्रीय खेळाडू श्री.रोहन गुजर यांचे मोलाचे मार्गदर्शन मिळाले.

       सर्व विजेत्यांचे अभिनंदन शाळेच्या अध्यक्षा रुपाली गुजर, शाळेचे माध्यमिक विभागाचे मुख्याध्यापक स्वरूप गुजर, शाळेच्या प्राथमिक विभागाच्या मुख्याध्यापिका मिथिला गुजर यांनी केले.


Social Sharing




आपली प्रतिक्रिया
प्रतिक्रिया
Santosh Waghulkar
Congratulations to Satara English medium school on behalf of winning basketball title on district level.

महत्वाच्या बातम्या

क्रीडा बातम्या

.
डोळे दिपवणारे अभूतपूर्व आयोजन, प्रेक्षकांच्या हृदयाचे ठोके वाढवणारा पीळदार संघर्ष आणि मुंबईकरांनी दिलेली उत्स्फूर्त दाद... सारं काही अद्वितीय, संस्मरणीय असलेल्या महाराष्ट्र श्री राज्य अजिंक्यपद शरीरसौष्ठव स्पर्धेत सुनीत जाधवनेच जेतेपदाचा पंच मारला. जागतिक स्पर्धेत सुवर्ण जिंकणा-या महेंद्र चव्हाण, आजी-माजी मुंबई श्री सुजन पिळणकर आणि अतुल आंब्रेवर मात करीत सुनीतने आपले सलग पाचवे राज्य अजिंक्यपद जिंकण्याचा भीमपराक्रम केला. फिजीक स्पोर्टस् प्रकारात पुणेकरांनी बाजी मारली. पुरूषांमध्ये रोहन पाटणकर तर महिलांमध्ये स्टेला गौडे अजिंक्य ठरली. संपूर्ण स्पर्धेवर मुंबईकरांनी आपले वर्चस्व गाजवले. मुंबईने सांघिक विजेतेपदावर तर उपनगरने उपविजेतेपदावर आपला कब्जा केला.

.
भारतीय संघाने सहाव्या वनडेत दक्षिण आफ्रिकेचा ८ गडी राखून पराभव करत मालिका ५-१ने जिंकली. दक्षिण आफ्रिकेने प्रथम फलंदाजी करत सर्व गडी गमवत २०४ धावांचं लक्ष्य भारताला दिलं. प्रत्युत्तरात भारताने फक्त ३२.१ षटकांत २ गडी गमवत दक्षिण आफ्रिकेवर सहज विजय मिळवला.

.
केरळ येथील कोयकँड बीचवर झालेल्या राष्ट्रीय फुटव्हॉली चॅम्पियनशिप स्पर्धेत कळंबे ता. सातारा येथील केदार राजकुमार देशमुख या डायस युनायटेड स्पोर्ट क्लबच्या खेळाडूने मुंबई उपनगर विभागातून चमकदार कामगिरी केली असून त्याची महाराष्ट्र संघात निवड झाली आहे. सहाव्या राष्ट्रीय फुटव्हॅाली स्पर्धेत देशातून अनेक राज्यातील खेळाडूंनी सहभाग घेतला. केरळच्या सुमद्र किनारी या स्पर्धेत महाराष्ट्राच्या खेळाडूंनी बाजी मारली. प्रशिक्षक व राष्ट्रीय खेळाडू क्याजेटन डायस यांच्या मार्गदर्शनाखाली महाराष्ट्र संघाने दुसरा क्रमांक मिळवला. यामध्ये संकेत जायजोडे, सुरज टेमकल, पृथ्वीराज चव्हाण, श्रेयस कुडाळे, आर्यन आडीवरेकर, सौरभ सूर्यवंशी, दिगंबर खरात, लोणारी या दहा खेळाडूंची महाराष्ट्र संघात निवड करण्यात आली.

.
सन २०१६-१७ चे शिवछत्रती क्रीडा पुरस्कार आज जाहीर झाले असून, त्यामध्ये मुंबई विभागातून नेमबाजी (रायफल शूटिंग) या क्रीडा प्रकारात रुचिरा अरुण लावंड हिचे नाव जाहीर झाले आहे. रुचिरा वयाच्या १३ व्या वर्षांपासून या खेळात पारंगत आहे.

.
रिओ ऑलिम्पिक रौप्यपदक विजेती बॅडमिंटनपटू पी.व्ही.सिंधूच्या एकेरी आण दुहेरीतील दमदार कामगिरीच्या जोरावर भारताने भारताने आशियाई बॅडमिंटन अजिंक्यपद स्पर्धेत विजयी सलामी दिली. मलेशियाच्या अलोर सेतार शहरात सुरु असलेल्या आशियाई बॅडमिंटन अजिंक्यपद स्पर्धेत भारताने हाँगकाँगला ३-२ अशी मात दिली. सायना नेहवालने माघार घेतल्यामुळे या स्पर्धेचे नेतृत्व सिंधूकडे सोपवण्यात आले असून नेतृत्वाला साजेशा खेळ करत सिंधूने भारताला स्पर्धेतील पहिला विजय मिळवून दिला.


Careers

Advertise with us

Privacy policy
Copyright     TODAY MEDIA NETWORK ,  All rights reserved.