दाऊद... छोटा राजन... आणि 'आर्मस्ट्रॉंग'

2017-07-23

दाऊद... छोटा राजन... आणि 'आर्मस्ट्रॉंग'

वाढलेली पांढरी शुभ्र दाढी... दगदगीने दमलेले शरीर... डोक्यावर घातलेली कानटोपी... एकेक पाऊल संभाळत चाललेले एकेकाळी तोर्‍यात राहिलेला माणूस शिवसेना सोडल्यानंतर बाळासाहेब ठाकरेंना आव्हान देणारा... निधड्या छातीचा वाघ गलितगात्र, हवालदिल झालेला पाहून काळजात चर्रर झाले. 
राष्ट्रपतीपदाच्या निवडणुकीसाठी विधानभवनात माजी उपमुख्यमंत्री व सध्या भ्रष्टाचाराच्या प्रकरणात तुरुंगात असणारे छगन भुजबळ मतदानाचा हक्क बजावण्यासाठी आल्यानंतर स्वपक्षांबरोबर विरोधी पक्षातील नेतेही हळहळले होते, असे चित्र पहावयास मिळाले. त्यानंतर समाजमाध्यमांमध्ये (सोशल मिडिया) याबाबत  मॅसेज फिरु लागले आणि त्यानंतर डोळ्यासमोर भुजबळांचा भूतकाळ तरळू लागला. 
पांढरा शुभ्र झब्बा-पायजमा, गळ्यात नेहमीप्रमाणे मफलर, डोळ्यावर सोनेरी काड्यांचा चष्मा असे हे रुबाबदार व्यक्तिमत्व विधीमंडळात अथवा राज्यभरात कोठेही गेलेतरी त्यांच्याभोवती कार्यकर्त्यांचा गलका जमा व्हायचा. परंतू सरकार बदलल्यानंतर घर काय परंतू घराचे वासेही फिरतात, याची अनुभूती सध्या भुजबळांच्याबाबतीत दिसून येत आहे. दिल्लीतील महाराष्ट्र सदन बांधकाम प्रकरणातील भ्रष्टाचाराचे प्रकरण मनी लॉंडरिंग असे अनेक प्रकरणांमध्ये भुजबळ आज तुरुंगात आहेत. एकेकाळी मुंबई हादरवून सोडणारे हे व्यक्तिमत्व प्रथमपासूनच शरद पवारांचे 'आशिक' होते. 1999 साली शरद पवार स्वाभिमानीच्या लाटेवर आरुढ झाल्यानंतर राष्ट्रवादी कॉंग्रेस पक्षाला बाळसे देण्याचे काम भुजबळांनी केले. त्यामुळे राज्यात कॉंग्रेस-राष्ट्रवादीचे सरकार आल्यानंतर भुजबळांनी पवारांनी राष्ट्रवादीच्या वाट्याला आलेले गृहमंत्रीपद देवून पवारांना खर्‍या अर्थाने 'आर्मस्ट्रॉंग' केले होते.
दरम्यान, मुंबईतील संघटीत गुन्हेगारी मोडून काढण्यात तत्कालीन उपमुख्यमंत्री तथा गृहमंत्री दिवंगत गोपीनाथ मुंडे यांना मोठ्या प्रमाणावर यश आले होते. दाऊद इब्राहिम व अंडरवर्ल्ड डॉन छोटा राजन या मुंबईमधील दोन महत्त्वाच्या गँगचे कंबरडे मोडल्यामुळे 90 च्या दशकामध्ये मुंबईमधील वाढलेली गुन्हेगारीवर अंकुश मिळविण्यात मुंडेंना काही अंशी यश आले होते. परंतू कॉंग्रेस-राष्ट्रवादीचे सरकार सत्तेवर येताच या दोन्ही टोळ्यांनी पुन्हा एकदा मुंबईमध्ये डोके वर काढले होते. त्याच्यामुळे मुंबईत पुन्हा गँगवॉर भडकतेय का काय, अशी परिस्थिती निर्माण झाली असतानाच १४ सप्टेंबर 2000 रोजी दाऊद इब्राहीमचा उजवा हात समजला जाणारा छोटा शकील याने पाकिस्तानची गुप्तचर यंत्रणा आयएसआयला हाताशी धरुन अंडरवर्ल्ड डॉन छोटा राजनच्या जवळ असणार्‍या एकाला फोडून  शकीलचा शार्पशूटर मुन्ना झिंगडा याने बँकॉक येथे अंडरवर्ल्ड डॉन छोटा राजनवर जिवघेणा हल्ला घडवून आणला होता. 
यामध्ये अंडरवर्ल्ड डॉन राजनचा खास रोहित वर्मा व त्याची पत्नी जागीच ठार झाले होती गंभीर जखमी झालेल्या अंडरवर्ल्ड डॉन राजनला तेथील एका हॉस्पिटलमध्ये अधिक उपचारासाठी दाखल करण्यात आले होते. ही घटना भारतीय प्रसारमाध्यमांनी वार्‍यासारखी पोहोचवल्यानंतर मुंबई पोलीस दलात एकच खळबळ उडाली होती. भारतीय गुप्तचर यंत्रणा रॉ व आयबी या सर्व प्रकरणामध्ये या घटनेकडे डोळ्यात तेल घालून लक्ष देत असतानाच तत्कालीन गृहमंत्री छगन भुजबळ यांनी याबाबत तात्काळ निर्णय घेत पोलीस अधिकार्‍यांची बैठक बोलावली. मुंबईत गुन्हे अन्वेषणमधील काही अधिकार्‍यांचे पथक तयार करुन अंडरवर्ल्ड डॉन राजनच्या प्रत्यार्पणासाठी बँकॉकला पाठविण्याची तयारीही पूर्ण झाली. अंडरवर्ल्ड डॉन छोटा राजनवर इंटरपोलने रेड कॉर्नर नोटीसही बजावली असल्याने इंटरपोलचे स्थानिक पोलीसही अंडरवर्ल्ड डॉन राजनच्या प्रकृतीवर बारीक नजर ठेवून होते. 
असे असताना भुजबळांच्या आदेशावरुन मुंबईतील क्राईम ब्रँचचे अधिकारी बँकॉकमध्ये अंडरवर्ल्ड डॉन राजनच्या प्रत्यार्पणासाठी पोहोचले होते. त्यावेळी एअरपोर्टवरच भारतीय गुप्तचर यंत्रणा (रॉ) एजंटनी या अधिकार्‍यांना ताब्यात घेवून चांगलेच खडसावले होते. त्यामुळे ते मुंबई पोलीसांचे पथक तेथून हात हालवत पुन्हा मुंबईमध्ये आले होते. आयबी आणि रॉ च्या गुप्त रिपोर्टनुसार दाऊद इब्राहीम व छोट्या शकीलच्या इशार्‍यावरच छगन भुजबळांनी हे पथक अंडरवर्ल्ड डॉन छोटा राजनच्या प्रत्यार्पणासाठी बँकॉकला पाठविले होते, हे उघड झाले होते. यानंतर प्रत्यार्पणाचा विषय हा केंद्रीय तपास यंत्रणांकडे येत असल्यामुळे मुंबई पोलीसांनी यामध्ये ढवळाढवळ का केली, याबाबत केंद्रीय गृहविभागाने  मुंबई पोलिसांना कारणे दाखवा  नोटीसही पाठवली होती. हे प्रकरण अंगलट येत आहे की काय, असे वाटत असतानाच भुजबळांनी आपले गॉडफादर शरद पवारांना याबाबत आपणास वाचविण्याची विनंती केली.
 त्यानंतर शरद पवारांनी याबाबत तत्कालीन केंद्रीय गृहमंत्री तथा उप पंतप्रधान लालकृष्ण अडवाणी यांना याबाबत  हा विषय संपविण्याबाबत विनंती केली. त्यामुळे भुजबळ त्यावेळी वाचले होते. छोटा शकीलच्या इशार्‍यावरुनच भुजबळांनी अंडरवर्ल्ड डॉन छोटा राजनच्या प्रत्यार्पणासंदर्भात घाई केली होती, असे तत्कालीन घटनांवरुन दिसून येते. त्याचवेळी प्रत्यार्पण घडवून आणून अंडरवर्ल्ड डॉन छोटा राजनचा गॅम करण्याचा प्लॅन डी गँगने आखला होता. मोहरा म्हणून भुजबळांचा वापर मोठ्या खुबीने डी गँगने केला होता. यावेळी डी गँग आणि आयएसआयकडून भुजबळांना कोट्यवधी रुपये मिळाल्याचे अंडरवर्ल्ड वर्तुळातून बोलले जात होते. भुजबळांना अटक होण्याच्या आधी दाऊद इब्राहीमचा खास आणि मुंबईमधील बडा बिल्डर शाहीद बलवा  याचे भुजबळांच्या मुलाशी व पुतण्याशी व्यवसायिक संबंध होते. त्याच संबंधांच्या माध्यमातून 'आर्मस्ट्रॉंग' या कंपनीच्या नावाने हवाला, मनी लॉंडरिंग व इतर उद्योगात छगन भुजबळ व त्यांचे संपूर्ण कुटूंब आकंठ बुडाल्याचे चित्र होते व ते शाश्‍वत सत्य आहे. तपासयंत्रणांनाही या सगळ्या गोष्टी माहित आहेत.
या सर्व गोष्टी ऐकल्यानंतर आणि बघितल्यानंतर भुजबळांबाबत सोशल मिडियावर फिरत असणारे मॅसेज बघून शिसारी आल्यासरखे झाले. हल्ली सोशल मिडियामुळे रावाचा रंक आणि रंकाचा राव, वाल्मिकीचा वाल्या एका रात्रीत होत असतो. मात्र, भुजबळांसाठी हे सर्व काही  होण्यासाठी काही दशके लागली हे विशेष. केवळ लोकनेते  भुजबळांसाठीच हा सारा प्रपंच.


                                                                                                                                                      -संग्राम निकाळजे 

 


Social Sharing




आपली प्रतिक्रिया
प्रतिक्रिया

महत्वाच्या बातम्या

माहिती व जनसंपर्क महासंचालनालयाच्यावतीने जानेवारी 2018 चा लोकराज्य अंक स्मार्ट, समर्थ, संवेदनशील ‘आपले पोलीस आपली अस्मिता’ हा पोलीस विभागाच्या कार्यपद्धतीवर प्रकाशित करण्यात आला आहे. या लोकराज्य विशेषांकाचे प्रकाशन पोलीस अधीक्षक संदीप पाटील यांच्या हस्ते आज करण्यात आले.

नुकताच प्रदर्शित झालेल्या बारायण चित्रपटात संभाजीराजेंच्या गंभीर प्रसंगाचे भावनिक भांडवल करत राजेशिर्के घराण्याची बदनामी केली आहे. दिग्दर्शक व निर्मात्यांनी केलेला हा खोडसाळपण संतापजनक व निषेधार्ह असून या चित्रपटावर शासनाने बंदी घालावी, अन्यथा आम्हाला न्यायालयात जावे लागेल असा इशारा सुहास आबासाहेब राजेशिर्के यांनी एका प्रसिध्दी पत्रकाव्दारे दिला आहे.

राष्ट्रीय विधी सेवा प्राधिकरण, दिल्ली यांच्या निर्देशानुसार सातारा जिल्हा विधी सेवा प्राधिकरणातर्फे 21 जानेवारी रोजी दुपारी 12 ते 4 या वेळेत कराड येथील न्यायालयाच्या आवारात कायदेविषयक महाशिबीराचे आयोजन करण्यात आले आहे, अशी माहिती जिल्हा विधी सेवा प्राधिकरणाच्या सदस्य सचिव वर्षा पारगावकर यांनी दिली आहे.

बांधकाम केलेल्या घराची नोंद करून उतारा देण्यासाठी व वीज कनेक्शनसाठी ना हरकत दाखला देण्यासाठी 1 हजार 500 रूपयांची लाच स्विकारताना अंबवडे बुद्रक, ता. साताराच्या ग्रामसेवक सचिन भरतराव गायकवाड (वय 37) याला लाचलुपत प्रतिबंधक विभागाने रंगेहाथ पकडले.

सातारा लिक्स बातम्या

.
" नैसर्गिक वरदान लाभलेले सातारा हे सात डोंगरांच्या कुशीत दडलेले महाराष्ट्रातील एक टुमदार शहर. याला धड शहरही म्हणता येत नाही, आणि खेडही. शिवछत्रपती व भारतरत्न डॉ. बाबासाहेब आंबेडकर यांच्या पदस्पर्शाने पावन झालेली ही भूमी. छत्रपतींची राजधानी म्हणून लौकिक पावलेली, एकेकाळचा सहकार चळवळीचा बालेकिल्ला असलेली ही भूमी आता मॅरेथॉनचे गाव म्हणून जगभरात ओळखले जावू लागले आहे. सातारकर आरोग्याच्या दृष्टीने किती सजग झाले आहेत.याची प्रचीती साताऱ्यात आल्यावर आपल्याला येईलच.

.
"देशात आणि राज्यामध्ये चित्रपटांना पुन्हा एकदा चांगले दिवस येवू लागले आहेत. नव्वदच्या दशकात इडियट बॉक्सच्या बंधात अडकलेल्या लोकांना आता आशयघन विषय बघायला पुन्हा एकदा आवडू लागल्यामुळे चित्रपटगृहांपासून दुरावलेला रसिक मायबाप पुन्हा एकदा चित्रपटगृहांकडे आकर्षित होवू लागला आहे. देशभरात विविध राज्यांमध्ये मोठ्या प्रमाणावर राष्ट्रीय व आंतरराष्ट्रीय फिल्म फेस्टिव्हलचे आयोजन केले जाते. हे लोण आता जिल्हा व तालुकापातळीवरही उतरले आहे.

.
"सध्या भीमा कोरेगाव या एकच विषयावरुन राज्यात रणकंदन माजले आहे. कधी नव्हे अशी जातीय घुसळण आणि धर्मांधता राज्यात दिसून येतेय. या घटनेमुळे राज्यातील सामाजिक भाईचारा कलुषित झाला आहे. हे नेमकं काय प्रकरण आहे, हे जो-तो आपापल्या पद्धतीने मांडत आहे. त्यामुळे ही लागलेली आग शमण्यापेक्षा ती अधिक तीव्र होत चालली आहे. पुरोगामी समजल्या जाणार्‍या महाराष्ट्रात हा जातीय आगडोंब कसा विझणार? त्यापेक्षा तो अधिक धगधगेल कसा, याकडेच काही माध्यमे आपला टीआरपी वाढविण्यासाठी नको त्या वेळी, नको त्या विषयावर घसरताना दिसून येत आहेत.

.
सातारा जिल्हा हा सैनिक जिल्हा म्हणून ओळखला जातो. स्वराज्यासाठी रक्त सांडण्याचा आणि देशेच्या सेवेचा इतिहास इथल्या मातीतला डि.एन.ए आहे. हा जिल्हा शैक्षणिक प्रगतीत नवनवे उच्चांक स्थापित करतो आहे. हा धडपडणारी गुण प्रत्येक क्षेत्रात दिसतो. त्याला शिक्षण क्षेत्रही अपवाद नाही. प्राथमिक शिक्षणात ज्या झपाट्याने जिल्ह्याची प्रगती होत आहे. ती उल्लेखनीय अशीच आहे. आता हा प्रगत शैक्षणिक महाराष्ट्र कार्यक्रमांतर्गत आतापर्यंत सातारा जिल्ह्यात जिल्हा परिषद शाळांची कामगिरी अतिशय कौतुकास्पद आहे. सातारा जिल्ह्यातील खटाव तालुक्यातील विखळे, खंडाळा तालुक्यातील शिरवळ, कोरेगाव तालुक्यातील ल्हासुर्णे, पाटण तालुक्यातील तारळे(मुळी), वाई तालुक्यातील निकमवाडी, जावळी तालुक्यातील ओझरे या जिल्हा परिषद शाळांनी अतिशय चमकदार शैक्षणिक प्रगती केली आहे. मात्र सातारा तालुक्यातील अपशिंगे (मिलीटरी) जिल्हा परिषद शाळेने मात्र गुणवत्तापूर्ण शिक्षणाबरोबर खेळ आणि स्पर्धा परीक्षेतही धवल यश संपादन केले आहे. वर उल्लेख केलेल्या सर्व शाळाही प्रगत शाळा, डिजीटल शाळा आयएसओ मानांकन प्राप्त आहेत.

.
महाबळेश्वरची ओळख थंड हवेच ठिकाण म्हणून १८ व्या शतकापासून झाली... देशातील सर्वाधिक पर्जन्यमान असलेल्या क्षेत्रामध्ये हे दुसऱ्या क्रमांकाचे सह्याद्रीच्या डोंगर रांगातील गिरीवन शहर .... या शहरापासून जवळच असलेल पाचगणी हेही असच सुंदर आणि टुमदार शहर ... अशा या दोन जगप्रसिद्ध शहराच्या मध्ये भिलार हे गाव वसलेल आहे. या गावाची गेल्या काही वर्षापासून स्ट्रॉबेरी पिकविणारे गाव म्हणून ओळख झालेली आहे. इथल्या प्रत्येक शेतकऱ्यांच्या शेतात हिवाळ्यात हे श्रीमंत पिक घेतल जात... दिवसेंदिवस या भागात देशभरातून आणि जगभरातून पर्यटकांचा ओढा वाढतो आहे. त्या पर्यटकांना महाराष्ट्र कळावा म्हणून महाराष्ट्र शासनाने या वर्षी पासून या गावाला पुस्तकाच गाव म्हणून नवी ओळख दिली. ती ओळख खुप गडद झाली असून हजारो पर्यटक या गावाकडे आकर्षित होत आहेत. नेमके हे पुस्तकाचे गाव ही काय संकल्पना हे समजावून घेण्यासाठी या गावाची प्रत्यक्ष भेट घेवून साधलेला हा संवाद ...... !!


Careers

Advertise with us

Privacy policy
Copyright     TODAY MEDIA NETWORK ,  All rights reserved.