सातारा बॉक्सिंग अकॅडमीने जिल्ह्याचा नावलौकिक वाढवला- सुहास पाटील

2017-07-14

सातारा बॉक्सिंग अकॅडमीने जिल्ह्याचा नावलौकिक वाढवला- सुहास पाटील

सातारा- गेल्या दोन तीन वर्षात राज्य आणि राष्ट्रीय स्तरावर बॉक्सिंगमध्ये सातारा जिल्ह्याचे नाव सातत्याने झळकत आहे. सातारा बॉक्सिंग अकॅडमीच्या खेळाडूंनी विविध वजन आणि वयोगटात उज्वल यश मिळवले असून नुकत्याच झालेल्या ज्युनियर महाराष्ट्र अजिंक्यपद बॉक्सिंग स्पर्धेत अकॅडमीने पाच पदकांची कमाई करुन जिल्ह्याचा नावलौकिक वाढवला, असे गौरवोद्गार जिल्हा क्रीडाअधिकारी सुहास पाटील यांनी काढले. 

चंद्रपूर येथे नुकत्याच झालेल्या राज्यस्तरीय ज्युनियर अजिंक्यपद बॉक्सिंग स्पर्धेत विविध वजनगटात सातारा बॉक्सिंग अकॅडमीच्या स्वप्नील साळवी याने सुवर्णपदक, कुणाल माने व ओंकार कदम यांनी रौप्यपदक तर, मुकुल शिंदे आणि श्रीधर फरांदे यांनी कांस्पपदक पटकावले. सुवर्णपदक विजेत्या स्वप्निल साळवी याची गुवाहाटी (आसाम) येथे राष्ट्रीय स्पर्धेसाठी निवड झाली. या सर्व खेळाडूंच्या सत्कारप्रसंगी सुहास पाटील बोलत होते. यावेळी अकॅडमीचे पदाधिकारी हरिष शेट्टी, रविंद्र होले, अमर मोकाशी, जगन्नाथ जगताप, सौ. पुष्पलता जगताप आदी मान्यवरांची प्रमुख उपस्थिती होती. 

सर्व खेळाडूंना आंतरराष्ट्रीय प्रशिक्षक सागर जगताप, सहायक प्रशिक्षक विनोद दाभाडे यांचे मार्गदर्शन लाभले. अकॅडमीद्वारे गुणवत्ताधारक खेळाडू तयार होत असून बॉक्सिंग खेळाचा प्रसार होण्यासाठी आणि खेळाडूंना चांगल्या सुविधा देण्यासाठी आपण प्रयत्न करु, असे आश्‍वासन क्रीडा अधिकारी पाटील यांनी यावेळी दिले. शासनाच्या विविध प्रकारच्या योजना आणि उपक्रमांचा लाभ खेळाडूंना झाला पाहिजे. यासाठी प्रशिक्षक आणि खेळाडूंनीही सकारात्मक प्रयत्न करुन उज्वल यश संपादन करावे, असे आवाहन पाटील यांनी यावेळी केले. 

यशस्वी खेळाडूंचे दौलत भोसले, विजय मोहिते, विश्‍वास मोरे, निलेश यादव, मोहन पांडे, दिपक कदम, जितेंद्र भोसले, सौ. सुजाता भोसले, सहा. पोलीस निरीक्षक भूषण आडके, सौ. तन्वी जगताप यांच्यासह सर्व पदाधिकारी, जिल्हा बॉक्सिंग संघटनेचे अध्यक्ष राजेंद्र चोरगे, योगेश मुंदडा, राजेंद्र हेंद्रे. रविंद्र झुटींग आदी मान्यवरांनी अभिनंदन करुन पुढील वाटचालीस शुभेच्छा दिल्या.  


Social Sharing




आपली प्रतिक्रिया
प्रतिक्रिया

महत्वाच्या बातम्या

येथील श्री नटराज मंदीराच्या महारुद्र, महाशिवरात्री संगीत व नृत्यमहोत्सवात पुणे येथील नृत्यांजली नृत्यसंस्थेच्या गुरु डॉ.वसुंधरा श्रीधरन यांच्या 14 कलाकारांनी भरतनाट्यम नृत्याचे बहारदार सादरीकरण करत महोत्सवात सातवा दिवस संपन्न केला.

जम्मू-पठाणकोट महामार्गावरील सुंजवा येथील लष्करी तळावरील दहशतवादी हल्ल्याच्या पार्श्वभूमीवर जम्मूत खुद्द लष्कर प्रमुखांच्या नेतृत्वाखाली शोधमोहिम सुरु आहे. लष्करी जवान आणि दहशतवाद्यांच्या चकमकीत आणखी 5 जवान शहिद झाले आहेत. तर एका नागरिकाचा मृत्यू झाल्याचे समजते. शनिवारी रात्रीच लष्कर प्रमुख बीपीन रावत घटनास्थळी दाखल झाले. परिसरात अद्याप तणावाचे वातावरण असून, 28 तासाहून अधिक काळानंतर दहशतवाद्यांचा शोध घेणे सुरुच आहे. याप्रकरणी बीपीने रावत यांनी रविवारी खास बैठक बोलवली असून ते वरिष्ठ अधिकाऱ्यांशी चर्चा करणार आहेत.

शंभर अपराधी सुटले तरी चालतील परंतू एका निर्दोषाला शिक्षा होवू नये, असा आपला कायदा सांगतो. कायद्याने वागा, कायद्याने चाला असा संदेश आपल्या लोकशाहीने सामान्यजनांना दिलेला आहे. मात्र, काही लोक स्वत:च्या स्वार्थासाठी कायद्याचा कसा दुरुपयोग करतात, याचे उत्तम उदाहरण सध्या फलटण तालुक्यात बघावयास मिळत आहे. ज्याच्यावर खरोखरच अन्याय-अत्याचार झाला आहे, त्याला फलटण शहर पोलीस ठाण्यात तक्रार दाखल करण्यासाठी मोठ्या दिव्यातून जावे लागते. परंतू गुंडापुंडांच्या व राजकीय व्यक्तींच्या खोट्या तक्रारींसाठी मात्र फलटण शहर पोलिसांकडून पायघड्या घातल्या जातात.

वावरहिरे, ता. माण येथील एका मोबाईल दुकान चालकास जुना राग मनात धरुन तेथील 16 जणांनी घरी जावून बेदम मारहाण केली. यावेळी भांडणे सोडविण्यास आलेल्या त्या युवकाच्या वयोवृद्ध आजीसह कुटूंबियांसही बेदम मारहाण व जातीवाचक शिवीगाळ करण्यात आली. याप्रकरणी दहिवडी पोलीस ठाण्यात ऍट्रोसिटीसह मारहाणीचा गुन्हा नोंद झाला आहे.

क्रीडा बातम्या

.
भारतीय संघाने सहाव्या वनडेत दक्षिण आफ्रिकेचा ८ गडी राखून पराभव करत मालिका ५-१ने जिंकली. दक्षिण आफ्रिकेने प्रथम फलंदाजी करत सर्व गडी गमवत २०४ धावांचं लक्ष्य भारताला दिलं. प्रत्युत्तरात भारताने फक्त ३२.१ षटकांत २ गडी गमवत दक्षिण आफ्रिकेवर सहज विजय मिळवला.

.
केरळ येथील कोयकँड बीचवर झालेल्या राष्ट्रीय फुटव्हॉली चॅम्पियनशिप स्पर्धेत कळंबे ता. सातारा येथील केदार राजकुमार देशमुख या डायस युनायटेड स्पोर्ट क्लबच्या खेळाडूने मुंबई उपनगर विभागातून चमकदार कामगिरी केली असून त्याची महाराष्ट्र संघात निवड झाली आहे. सहाव्या राष्ट्रीय फुटव्हॅाली स्पर्धेत देशातून अनेक राज्यातील खेळाडूंनी सहभाग घेतला. केरळच्या सुमद्र किनारी या स्पर्धेत महाराष्ट्राच्या खेळाडूंनी बाजी मारली. प्रशिक्षक व राष्ट्रीय खेळाडू क्याजेटन डायस यांच्या मार्गदर्शनाखाली महाराष्ट्र संघाने दुसरा क्रमांक मिळवला. यामध्ये संकेत जायजोडे, सुरज टेमकल, पृथ्वीराज चव्हाण, श्रेयस कुडाळे, आर्यन आडीवरेकर, सौरभ सूर्यवंशी, दिगंबर खरात, लोणारी या दहा खेळाडूंची महाराष्ट्र संघात निवड करण्यात आली.

.
सन २०१६-१७ चे शिवछत्रती क्रीडा पुरस्कार आज जाहीर झाले असून, त्यामध्ये मुंबई विभागातून नेमबाजी (रायफल शूटिंग) या क्रीडा प्रकारात रुचिरा अरुण लावंड हिचे नाव जाहीर झाले आहे. रुचिरा वयाच्या १३ व्या वर्षांपासून या खेळात पारंगत आहे.

.
रिओ ऑलिम्पिक रौप्यपदक विजेती बॅडमिंटनपटू पी.व्ही.सिंधूच्या एकेरी आण दुहेरीतील दमदार कामगिरीच्या जोरावर भारताने भारताने आशियाई बॅडमिंटन अजिंक्यपद स्पर्धेत विजयी सलामी दिली. मलेशियाच्या अलोर सेतार शहरात सुरु असलेल्या आशियाई बॅडमिंटन अजिंक्यपद स्पर्धेत भारताने हाँगकाँगला ३-२ अशी मात दिली. सायना नेहवालने माघार घेतल्यामुळे या स्पर्धेचे नेतृत्व सिंधूकडे सोपवण्यात आले असून नेतृत्वाला साजेशा खेळ करत सिंधूने भारताला स्पर्धेतील पहिला विजय मिळवून दिला.

.
खेलो इंडिया शालेय क्रीडा स्पर्धेच्या 7 व्या दिवशी, मंगळवारी भारोत्तोलनात महाराष्ट्राच्या जेर्मी लालरीनुंगा व तृप्ती माने यांनी सुवर्णपदके पटकावली. यासह मुले व मुलींच्या भारोत्तोलनात महाराष्ट्राने 2 रौप्य व 3 कांस्यपदकांची कमाई करून महाराष्ट्राला पदकतालिकेत आघाडी मिळवून दिली. राज्याला एकूण 59 पदके मिळाली आहेत.


Careers

Advertise with us

Privacy policy
Copyright     TODAY MEDIA NETWORK ,  All rights reserved.