अशक्य ते शक्य करण्याची मोदींची क्षमता : सरसंघचालक

2017-07-12

अशक्य ते शक्य करण्याची मोदींची क्षमता : सरसंघचालक

नवी दिल्ली : कुठलेही अशक्य काम शक्य करून दाखविण्याची अफाट क्षमता पंतप्रधान नरेंद्र मोदींमध्ये आहे. आतापर्यंत मोदींनी कितीतरी अशक्यप्राय वाटणारी कामे प्रत्यक्षात करून दाखविली आहेत. मात्र, सरकारला अद्यापही खूप काम करायचे बाकी आहे. पण सर्वच कामे सरकार करू शकत नाही, त्यामुळे समाजातील सर्वांनीच अशा कामात आपले योगदान दिले पाहिजे, कारण आपल्याला देशाला त्याचे गतवैभव पुन्हा प्राप्त करून द्यायचे आहे, असे प्रतिपादन रा. स्व. संघाचे सरसंघचालक डॉ. मोहनजी भागवत यांनी आज येथे केले.
सुलभ इंटरनॅशनलचे डॉ. बिंदेश्‍वर पाठक यांनी पंतप्रधान नरेंद्र मोदी यांच्या जीवनचरित्रावर तयार केलेल्या कॉफीटेबलबुकचे लोकार्पण करताना डॉ. भागवत बोलत होते. राष्ट्रीय पुस्तक न्यासचे अध्यक्ष बलदेव शर्मा यांच्या अध्यक्षतेखाली राजधानीतील मावळणकर सभागृहात झालेल्या या कार्यक्रमाला भाजपाचे राष्ट्रीय अध्यक्ष अमित शाह प्रमुख अतिथी म्हणून उपस्थित होते. पंतप्रधान मोदी यांच्या कामाचा गौरव करताना डॉ. पुळे भागवत म्हणाले की, मोदींचे नेतृत्व आज देशातील जनतेच्या आशेचे किरण बनले आहे. काही जण अहंकाराने काम करतात, तर काही जण भीतीने. काही जणांना मजबुरीने काम करावे लागते. पण लोकांबद्दल ज्याच्या मानत आपुलकी आहे, त्यालाच लोक स्वीकारतात. मोदी आज असेच भक्तीने आणि आपुलकीने काम करीत आहेत.
मोदी आज प्रसिद्धीच्या झोतात राहूनही काम करीत आहेत, या प्रसिद्धीचा कोणताही परिणाम त्यांच्यावर होत नाही, कारण गुजरातचे मुख्यमंत्री बनण्यापूर्वी ते संघाचे प्रचारक होते. त्यामुळेच ते आधी जसे काम करायचे तसेच आताही करीत आहेत, याकडे लक्ष वेधत डॉ. भागवत म्हणाले की, आज मोदी पंतप्रधान आहेत, कारण त्यांना लोकांसाठी काम करायचे आहे. पण उद्या ज्यांना कामे करायची आहेत, पण तो पंतप्रधान बनू शकला नाही तर काय करायचे. त्यामुळे ज्यांना लोकांसाठी काम करायचे, त्यांना कोणत्याही पदाची गरज नाही.
मात्र, आज समाजात नवा पायंडा पडला आहे. लोकांना आपल्यासाठी काम करणारा दुसरा कोणीतरी हवा असतो, आणि मोदींच्या रूपात तसा ठेकेदार लोकांना मिळाला आहे, असे स्पष्ट करत डॉ. भागवत म्हणाले की, आपली जबाबदारी दुसर्यावर ढकलण्याची सवय लोकांना लागली आहे.
कर्तृत्ववान लोकांचेच जीवनचरित्र लिहिले जाते, कारण अशा जीवनचरित्रातून लोकांना स्फूर्ती आणि प्रेरणा मिळत असते. पण त्यासाठी ते जीवनचरित्र नीट वाचावे लागते, याकडे लक्ष वेधत डॉ. भागवत म्हणाले की, मोदी यांचा मुख्यमंत्री ते पंतप्रधान हा प्रवास खरोखरच समजून घेण्यासारखा आहे. चरित्र लिहिणे सोपे आहे, पण चरित्र समजून लिहिणे कठीण आहे. असे जीवनचरित्र शब्दश: नाही तर त्याचा मतितार्थही वाचता आला पाहिजे.
भाजपाचे राष्ट्रीय अमित शाह यांनी आपल्या भाषणात मोदी यांनी गुजरातचे मुख्यमंत्री म्हणून केलेल्या कामाचा आढावा घेताना मोदी सरकारच्या तीन वर्षांची उपलब्धीही सांगितली. मोदी यांचा बालक ते पंतप्रधान व्हाया संघ प्रचारक हा प्रवास सर्वांसाठीच प्रेरणादायी आहे, असे शाह यांनी सांगितले. समाजातील शेवटच्या माणसाचे कल्याण हा आमच्या कामाचा आधार आहे, असे ते म्हणाले. आतापर्यंत देशात नुसत्याच गोष्टी केल्या गेल्या, पण विकासाचे काम फक्त मोदींच्या कार्यकाळातच झाले, असे ते म्हणाले. पुस्तकाच्या शीर्षकातील लिजेंड या शब्दाला आपला आक्षेप आहे, असे स्पष्ट करत शाह म्हणाले की, मोदी यांचे जीवन अतिशय गरिबीत आणि कष्टात गेले. प्रारंभी डॉ. बिंदेश्‍वर पाठक यांनी मोदी यांच्यावरील कॉफीटबेलबुकमागची पार्श्‍वभूमी विषद केली. राष्ट्रीय पुस्तक न्यासचे अध्यक्ष बलदेव शर्मा यांनी आपल्या अध्यक्षीय भाषणात पंतप्रधान मोदींच्या कार्याचा गौरव केला.


Social Sharing




आपली प्रतिक्रिया
प्रतिक्रिया

महत्वाच्या बातम्या

गेल्या दहा दिवसांपासून ढगांचा गडगडाट आणि विजांच्या झगमगाटात जिल्ह्यात पाऊस सुरू असून, अनेक गावांच्या तलाव आणि बंधाजयात पाणीसाठा वाढू लागला आहे. त्यामुळे शेतकजयांत आनंदाचे वातावरण आहे. असे असतानाच दुसरीकडे मात्र, अधूनमधून व अनेक ठिकाणी सतत पडणाजया पावसामुळे पिकांचे नुकसानही होऊ लागले आहे. लिंब, गोवे परिसरात ढगफुटीने शेतीचे नुकसान झाले आहे. त्यामुळे चिंतेचे वातावरणही दिसून येत आहे.

कन्यागत पर्वाची मंगळवारी सांगता झाल्यानंतर कृष्णामाई नदीला तब्बल ७५० मीटर लांबीची साडी नेसविण्यात आलेली होती. ती बुधवारी नदीतून बाहेर काढण्यात आली. नदीतून बाहेर काढलेली साडी ही सैदापूर, प्रीतिसंगम घाट परिसरातील गरीब व स्वच्छता करणाºया गरजू महिलांना दान करण्यात आली.

अंदोरी (ता. खंडाळा) येथील जिल्हा परिषद केंद्र शाळा अंदोरी या शाळेतील इयत्ता सातवीच्या वर्गाचे सोमवारी रात्री अज्ञात चोरट्यांनी कुलूप तोडून 32 इंची एलसीडी व दोन साऊंड असा एकूण 16 हजार पाचशे रुपयांचा मुद्देमाल चोरून नेला आहे.

सातार्‍यातील सावकारीप्रकरणी महेश तपासे याला शहर पोलिसांनी अटक केल्यानंतर जप्त केलेल्या त्याच्या घरातील कागदपत्रांचे मूल्य प्राथमिक माहितीनुसार 10 कोटी रुपये असल्याचे समोर आले आहे. या घटनेमुळे पोलिसही चक्रावून गेले असून, आकडेमोड करताना त्यांनाही घाम फुटू लागला आहे. दरम्यान, या घटनेतील इतर पाच संशयितांची नावे तपासात स्पष्ट झाली असून, त्यांच्या शोधासाठी तपास पथके रवाना झाली आहेत.

देश विदेश बातम्या

.
कान्सास: अमेरिकेतील कान्सासमध्ये एका भारतीय डॉक्टरची चाकूने भोसकून निर्घृण हत्या करण्यात आली आहे. अच्युत रेड्डी असे डॉक्टरचे नाव आहे. त्यांच्या रुग्णालयातील एका रुग्णानेच त्यांची हत्या केली. पोलिसांनी त्याला अटक केली आहे. रेड्डी यांची बुधवारी हत्या झाली आहे. कान्सासमध्ये यावर्षी आतापर्यंत दोन भारतीयांच्या हत्या झाल्या आहेत. श्रीनिवास यांची याच वर्षी फेब्रुवारीत हत्या झाली होती. अच्युत रेड्डी आणि श्रीनिवास हे दोघेही मूळचे तेलंगणाचेच रहिवासी आहेत.

.
कालाहंडी: ओडिशातील मलकानगिरी आणि कालाहंडी जिल्ह्यातील विविध शाळांमधील २३० विद्यार्थ्यांना माध्यान्ह भोजनातून विषबाधा झाली आहे. यामध्ये एका सरकारी निवासी शाळेतील दीडशे मुलींचा समावेश आहे. उलटी, जुलाब, मळमळ आणि पोटदुखीचा त्रास होऊ लागल्याने त्यांना तातडीने जवळच्या रुग्णालयांत दाखल करण्यात आले.

.
लंडन : लंडनमधल्या पार्सन्स ग्रीन या भुयारी मेट्रो स्टेशनवर ऐन गर्दीच्या वेळी स्फोट झाला. लंडनमधील वेळेनुसार सकाळी 8.15 वाजता हा स्फोट झाला. या स्फोटात अनेक जणांच्या चेहऱ्याला दुखापत झाली असून अनेक जण जखमी झाल्याची प्राथमिक माहिती समजते आहे.

.
नवी दिल्ली: दिल्ली विद्यापीठाच्या विद्यार्थी संघटनांच्या निवडणुकीत संघाशी संबंधित, अखिल भारतीय विद्यार्थी परिषद अर्थात अभाविपला (ABVP) झटका बसला आहे. कारण तब्बल चार वर्षानंतर काँग्रेसप्रणित NSUI कडे अध्यक्षपद गेलं आहे. रॉकी तुसीद नवा अध्यक्ष असेल.

.
वॉशिंग्टन: अमेरिकेत सध्या इरमा चक्रीवादळानं थैमान घातलं आहे. या वादळाचा सर्वाधिक फटका मियामी शहराला बसला असून, वादळामुळे 10 लाख घरांचा वीजपुरवठा खंडित झाला आहे. तर तब्बल साडे सहा कोटी नागरिकांवर स्थलांतरित होण्याची वेळ आली आहे.


Careers

Advertise with us

Privacy policy
Copyright     TODAY MEDIA NETWORK ,  All rights reserved.