आयुर्वेदिक उत्पादनांवर १२% GST, पतंजली नाराज

2017-05-23

आयुर्वेदिक उत्पादनांवर १२% GST, पतंजली नाराज

नवी दिल्ली: आयुर्वेदिक उत्पादनांवर लावण्यात आलेल्या १२ टक्के जीएसटीबाबत योग गुरू रामदेव यांच्या पतंजली कंपनीने नाराजी व्यक्त केली असून जीएसटी दराच्या या निर्णयाबाबत सरकारने पुर्नविचार करावा, यासाठी पत्र लिहिणार असल्याचे कंपनीच्यावतीने पतंजलीचे प्रवक्ता एस. के. तिजारावाला यांनी म्हटले आहे. सध्या आयुर्वेदिक उत्पादनांवर ५ टक्के कर लागत होता. या उत्पादनांवरील कर वाढविल्यास चांगले आरोग्य वा चांगल्या जीवनाशिवाय चांगले म्हणजेच 'अच्छे दिन' येणार नाहीत, असेही ते म्हणाले.
टुथपेस्ट, शॅम्पूपासून ते बिस्किटांपर्यंत आयुर्वेदावर आधारित उत्पादने बनविणाऱ्या पतंजली या कंपनीने स्वतःचे 'स्वदेशी कंपनी' असे ब्रॅण्डिंग करत नफ्यासाठी नव्हे तर सर्वसामान्यांना योग्य दरात आरोग्यपूर्ण उत्पादने देण्यासाठी हा व्यवसाय करत असल्याचे म्हटले आहे. त्यामुळे १ जुलैपासून लागू होणाऱ्या जीएसटीमुळे उत्पादनांच्या किमतीवर होणाऱ्या परिणाम पाहता किमतींबाबत शेवटचा निर्णय घेण्यापूर्वी आम्ही 'इनपूट क्रेडिट अॅडजस्टमेण्ट'चा विचार करू, असेही पतंजलीने म्हटले आहे.
सध्या कंपनीच्या टुथपेस्ट आणि हेअर ऑइल या उत्पादनांचा मार्केट शेअर अनुक्रमे ९ व ८ टक्के असा आहे. मागील आर्थिक वर्षात १०,५६१ कोटींचा महसूल प्राप्त करत ग्राहक उत्पादन कंपनी म्हणून पतंजली हिंदुस्थान युनिलिव्हरनंतर दुसऱ्या क्रमांकावर राहिली, तर कोलगेट पामोलिव्ह, GSK कंज्युमर हेल्थकेअर, पी अॅण्ड जी हायजीन अॅण्ड हेल्थकेअर या कंपन्यांनाही तिने मागे टाकले होते. आयुर्वेदिक उत्पादनांमध्ये पतंजलिला मिळालेले यश पाहिल्यानंतर इतर ग्राहक उत्पादन कंपन्यांनीदेखील आपल्या उत्पादनांमध्ये आयुर्वेदिक उत्पादनांचा समावेश केला. GST दरामुळे आयुर्वेदिक उत्पादनांच्या वाढणाऱ्या किमतींमुळे डाबर आणि इमामी या कंपन्याही निराश झाल्या आहेत. सरकार एकिकडे पारंपरिक भारतीय पर्यायी चिकित्सा व्यवस्थेला प्रोत्साहन देण्याच्या विचारात असताना दुसरीकडे आयुर्वेदिक उत्पादनांवरील कर वाढवित असेल तर त्याचा प्रतिकूल परिणाम दिसेल, असे डाबर इंडिया कंपनीचे सीएफओ ललित मलिक यांनी म्हटले आहे.


Social Sharing




आपली प्रतिक्रिया
प्रतिक्रिया
sad
sadasd

महत्वाच्या बातम्या

जिल्ह्यात वाळू तस्करांची मुजोरी सुरूच असून, रविवारी पहाटे कामेरी (ता. सातारा) येथे नदीपात्रातील वाळू चोरत असताना तलाठी व सर्कल त्या ठिकाणी गेल्यानंतर संशयित दोघांनी त्यांना धक्काबुक्की, शिवीगाळ केल्याची घटना घडल्याने खळबळ उडाली आहे. दरम्यान, याप्रकरणी बोरगाव पोलिस ठाण्यात गुन्हा दाखल झाला असून, 5 ब्रास वाळूसह यारी, ट्रॅक्टर असा एकूण 3 लाख 80 हजार रुपयांचा मुद्देमाल जप्त करण्यात आला आहे.

ग्रामपंचायतीमध्ये काम करणार्‍या कर्मचार्‍यांना वेळेत वेतन मिळत नसल्याने अडी-अडचणी निर्माण झाल्या होत्या. या पार्श्‍वभूमीवर राज्याच्या ग्रामविकास विभागाने ग्रामपंचायत कर्मचार्‍यांचे वेतन ऑनलाइन पध्दतीने थेट त्यांच्या बँक खात्यात जमा करण्याचा महत्वकांक्षी निर्णय घेतला आहे. त्याचा फायदा सातारा जिल्ह्यातील सुमारे 2 हजार 622 ग्रामपंचायत कर्मचार्‍यांना झाला आहे.

मकरसंक्रांत हा सण म्हणजे एकमेकांना शुभेच्छा देण्याचा दिवस. या दिवशी माता-भगिनींच्या दागिन्यांवर डोळा ठेवणार्‍या चोरट्यांनी रात्री साडेआठ वाजता शाहूपुरी येथील महालक्ष्मी कॉलनीनजिक एका महिलेचे दागिने हिसकावून घेण्याचा प्रयत्न केला. पण त्याठिकाणी असणार्‍या युवकांनी या दोन चोरट्यांचा जिवाच्या कराराने पाठलाग केला. त्यामुळे चोरट्यांना जिवाच्या भीतीने दागिने टाकून पळ काढावा लागला. यानंतर सुमारे 20 मिनिटांने शाहूपुरी पोलीस घटनास्थळी आले. त्यांनी रस्त्यावर पडलेले दागिने हातात घेवून संबंधित महिलेकडे सुपूर्द केले. काळ आला होता, पण चोरट्यांची वेळ चुकली अन्यथा याठिकाणी तिळगुळाऐवजी युवकांकडून चोरट्यांना चांगलाच चोप बसला असता.

कोयनानगर मधील रासाटी येथील विजय धनाजी जाधव (वय ३५) याने एका महिलेला प्रेमाचे संदेश व्हॉटस् अॅपवरुन पाठवले. हे कृत्य त्याला महागात पडले. त्या महिलेने विजय विरुध्द विनयभंग केल्याची तक्रार कोयनानगर पोलिसांत केली आहे.

देश विदेश बातम्या

.
विमान प्रवासादरम्यान फोनला नेटवर्क मिळत नसे. त्यामुळे फोनवरून संभाषण होत नसे. तसेच इंटरनेट कनेक्टिव्हिटीही दिली जात नव्हती. मात्र, आता भारतीय दूरसंचार नियामक मंडळने (ट्राय) याबाबत परवानगी दिली आहे. त्यामुळे यापुढे विमान प्रवासादरम्यान फोनवर बोलता येणार आहे. तसेच विमानात वाय-फायची सुविधा देण्यात येणार आहे.

.
पाकिस्तानमधील एका संघटनेने ‘शहीद-ए-आजम’ पुरस्कारप्राप्‍त शहीद भगत सिंग यांना देशातील सर्वोच्च शौर्य पुरस्कार ‘निशान-ए-हैदर’ देण्याची मागणी केली आहे. त्याचप्रमाणे 6 वर्षांपूर्वी भगत सिंग यांना लाहोरमधील ज्या शादमान चौकात फाशी देण्यात आली तेथे त्यांचा पुतळा उभारावा, अशीही मागणी करण्यात आली आहे.

.
पाकिस्तानने पुन्हा एकदा शस्त्रसंधीचे उल्लंघन केले आहे. शुक्रवारी रात्रीपासून सीमारेषेवरील जवळपास ३० भारतीय चौक्यांवर पाकिस्तानकडून गोळीबार करण्यात आला. यात सांबा सेक्टरमध्ये हेडकॉन्स्टेबल जसपालसिंग आणि लान्स नाईक सॅम अब्राहम हे जवान शहीद झाले असून २ नागरिकांचाही मृत्यू झाला.

.
जीएसटी परिषदेच्या गुरुवारी झालेल्या २५व्या बैठकीत अनेक महत्वाचे निर्णय घेण्यात आले आहेत.

.
सीमा रेषेवर पाकिस्तानच्या कुरापती सुरुच असून शुक्रवारी पाकिस्तानच्या गोळीबारात दोन नागरिकांचा मृत्यू झाला. सांबा, अरनिया, कठुआ, आर एस पुरा सेक्टर येथील भारतीय सीमा सुरक्षा दलाच्या (बीएसएफ) चौक्यांना पाकने लक्ष्य केले. भारतीय जवानांनीही पाकला चोख प्रत्युत्तर दिले आहे. गुरुवारी रात्रीपासून सीमा रेषेवर गोळीबार सुरु असल्याने सीमेलगतच्या गावात भीतीचे वातावरण पसरले आहे.


Careers

Advertise with us

Privacy policy
Copyright     TODAY MEDIA NETWORK ,  All rights reserved.