व्हॉट्सअॅप डेटा हॅक, ब्लॅकमेलिंग करण्याचे प्रमाण वाढले

2017-04-12

व्हॉट्सअॅप डेटा हॅक, ब्लॅकमेलिंग करण्याचे प्रमाण वाढले

मुंबई : गेल्या दोन महिन्यात व्हॉट्सअॅपवरील गोपनीय व्हिडिओ, फोटो आणि फाईल्स हॅक करुन त्यांचा गैरवापर झाल्याच्या 50 हून जास्त तक्रारी मुंबई सायबर पोलिसांकडे आल्या आहेत. सिक्युरिटी व्हेरिफिकेशन कोडचा अॅक्सेस मिळवून व्हॉट्सअॅप अकाऊण्ट सहजरित्या हॅक करता येतं, असा दावा सायबर पोलिसांनी केला आहे.
1. व्हॉट्सअॅप सेटिंग्जमध्ये ‘चेंज माय नंबर’ ऑप्शन सिलेक्ट करुन हॅकर स्वतःच्या नंबर ऐवजी पीडिताचा नंबर फीड करतो.
2. यावेळी व्हॉट्सअॅप सिक्युरिटी व्हेरिफिकेशन कोड मूळ व्यक्ती म्हणजेच पीडिताला पाठवतो.
3. हॅकर एखादी कहाणी रचून तो व्हेरिफिकेशन कोड शेअर करण्यास सांगतो.
4. सिक्युरिटी व्हेरिफिकेशन कोड शेअर करताच पीडिताचा सर्व डेटा क्षणात हॅकरला उपलब्ध होतो.
हॅकर रिस्टोअर या ऑप्शनचा वापर करुन पीडिताचे कॉन्टॅक्ट्स, फोटोज, व्हिडिओ स्वतःच्या फोनवर रिस्टोअर करतो. हा डेटा पीडिताला ब्लॅकमेल करण्यासाठी किंवा पैसे उकळण्यासाठी वापरला जातो, अशी माहिती सायबर पोलिसांनी दिली आहे.
हॅकर इतक्यावरच न थांबता कॉन्टॅक्ट लिस्टमधील इतरांशी ‘पीडिता’चा चेहरा होऊन संपर्क साधतो. अशाचप्रकारे पुढील व्यक्तींना टार्गेट करुन त्यांचाही सिक्युरिटी व्हेरिफिकेशन कोड मागितला जातो आणि ही साखळी अशीच सुरु राहते.
एका हॅकरने मॉडेलला इव्हेंट मॅनेजर असल्याचं सांगून संपर्क साधला. काम देण्याच्या बहाण्याने तिच्याकडे सिक्युरिटी व्हेरिफिकेशन कोड मागण्यात आला. पीडितेला त्याचं गांभीर्य न समजल्याने तिने तो शेअर केला आणि क्षणात तिचे वैयक्तिक फोटो हॅकरला मिळाले. काहीवेळा एनजीओ कार्यकर्ते असल्याचं सांगत सिक्युरिटी व्हेरिफिकेशन कोड मागितले जातात, असंही पोलिसांनी सांगितलं.
हॅक झाल्यास काय कराल?
1. तुमच्या फोनमधून व्हॉट्सअॅप अनइन्स्टॉल करा आणि रिइन्स्टॉल करा. पुन्हा तुमचा नंबर वापरुन व्हॉट्सअॅपच्या सर्व्हरवर रजिस्ट्रेशन करा.
2. तुमचा सिक्युरिटी व्हेरिफिकेशन कोड कधीच कोणासोबत शेअर करु नका
3. अनोळखी व्यक्तींशी चॅट करणं टाळा
4. फोनवर अँटी व्हायरस सॉफ्टवेअर इन्स्टॉल करा


Social Sharing




आपली प्रतिक्रिया
प्रतिक्रिया

महत्वाच्या बातम्या

येथील श्री नटराज मंदीराच्या महारुद्र, महाशिवरात्री संगीत व नृत्यमहोत्सवात पुणे येथील नृत्यांजली नृत्यसंस्थेच्या गुरु डॉ.वसुंधरा श्रीधरन यांच्या 14 कलाकारांनी भरतनाट्यम नृत्याचे बहारदार सादरीकरण करत महोत्सवात सातवा दिवस संपन्न केला.

जम्मू-पठाणकोट महामार्गावरील सुंजवा येथील लष्करी तळावरील दहशतवादी हल्ल्याच्या पार्श्वभूमीवर जम्मूत खुद्द लष्कर प्रमुखांच्या नेतृत्वाखाली शोधमोहिम सुरु आहे. लष्करी जवान आणि दहशतवाद्यांच्या चकमकीत आणखी 5 जवान शहिद झाले आहेत. तर एका नागरिकाचा मृत्यू झाल्याचे समजते. शनिवारी रात्रीच लष्कर प्रमुख बीपीन रावत घटनास्थळी दाखल झाले. परिसरात अद्याप तणावाचे वातावरण असून, 28 तासाहून अधिक काळानंतर दहशतवाद्यांचा शोध घेणे सुरुच आहे. याप्रकरणी बीपीने रावत यांनी रविवारी खास बैठक बोलवली असून ते वरिष्ठ अधिकाऱ्यांशी चर्चा करणार आहेत.

शंभर अपराधी सुटले तरी चालतील परंतू एका निर्दोषाला शिक्षा होवू नये, असा आपला कायदा सांगतो. कायद्याने वागा, कायद्याने चाला असा संदेश आपल्या लोकशाहीने सामान्यजनांना दिलेला आहे. मात्र, काही लोक स्वत:च्या स्वार्थासाठी कायद्याचा कसा दुरुपयोग करतात, याचे उत्तम उदाहरण सध्या फलटण तालुक्यात बघावयास मिळत आहे. ज्याच्यावर खरोखरच अन्याय-अत्याचार झाला आहे, त्याला फलटण शहर पोलीस ठाण्यात तक्रार दाखल करण्यासाठी मोठ्या दिव्यातून जावे लागते. परंतू गुंडापुंडांच्या व राजकीय व्यक्तींच्या खोट्या तक्रारींसाठी मात्र फलटण शहर पोलिसांकडून पायघड्या घातल्या जातात.

वावरहिरे, ता. माण येथील एका मोबाईल दुकान चालकास जुना राग मनात धरुन तेथील 16 जणांनी घरी जावून बेदम मारहाण केली. यावेळी भांडणे सोडविण्यास आलेल्या त्या युवकाच्या वयोवृद्ध आजीसह कुटूंबियांसही बेदम मारहाण व जातीवाचक शिवीगाळ करण्यात आली. याप्रकरणी दहिवडी पोलीस ठाण्यात ऍट्रोसिटीसह मारहाणीचा गुन्हा नोंद झाला आहे.

टेक-गॅजेट बातम्या

.
लोकप्रिय मेसेजिंग अॅप व्हॉट्सअॅप सातत्याने आपल्या युझर्सना नवनवे फीचर्स देते. आता व्हॉट्सअॅप ग्रुप व्हिडीओ आणि ऑडीओ कॉलिंगचे फिचर देणार आहे.या फिचर बाबात युझर्समध्ये चांगली चर्चा होती. मात्र, त्यावर आता शिक्कामोर्तब झाले आहे.

.
रिलायन्स जिओने प्रजासत्ताक दिनानिमित्त त्यांच्या ग्राहकांसाठी आणखी एक धमाकेदार निर्णय घेतला आहे. टेलिकॉम क्षेत्रातील किंमतयुद्धात महत्वपूर्ण सहभाग नोंदवणार्‍या जिओने आता 26 जानेवारीपासून त्यांच्या 1 जीबी आणि 1.5 जीबी प्रतिदिन डाटा वापरकरर्त्यांना आणखी 500 एमबी लिमिटवाढ दिली आहे. कंपनीच्या सूत्रांनी याबाबतची माहिती दिली. तर रिपब्लिक डे ऑफर अंतर्गत 26 जानेवारीपासूनच सध्याच्या 98 रूपये पॅकची मुदत 14 दिवसांवरून 28 दिवसांपर्यंत वाढवली आहे. जिओने ग्राहकांना नेहमीच वाढीव लाभ दिले आहेत. प्लॅननुसार 50 टक्के जादा डाटा देतानाच जिओने प्रतिस्पर्ध्यांपेक्षा 50 रूपये कमी प्लॅनवर आकारले आहेत. 26 जानेवारीपासून 1 जीबी डाटा मर्यादा 1.5 जीबी होईल, तर 1.5 जीबी डाटा मर्यादा 2 जीबीपर्यंत वाढणार आहे.

.
मोबाईलमधील जुने कॉल डिटेल्स जर तुम्हाला बघायचे असतील तर ते वेळीच शोधणे आणि मिळवणे खूप कठीण काम आहे. आता मोबाईलमध्ये जुने कॉल डिटेल्स शोधायचे असतील तर ही प्रक्रिया सुलभ होण्याची शक्यता आहे. आता mubble app नावाच्या अ‍ॅपमुळे जुने कॉल डिटेल्स शोधणे सहज शक्य होणार आहे. तुम्हाला 7-30 दिवस जुने कॉल डिटेल्स mubble app या अ‍ॅपमुळे शोधणे शक्य होणार असून ते पीडीएफ फाईलच्या स्वरूपात मिळतील. जो इमेल आयडी अ‍ॅपमध्ये द्याल त्याच इमेल आयडीवर कॉल डिटेल्स दिले जातात. हे अ‍ॅप गूगल प्ले स्टोअरमध्ये मोफत डाऊनलोडसाठी उपलब्ध करण्यात आले आहे. अवघ्या दोन मिनिटांत परवानगी मिळताच कॉल डिटेल्सही मिळतील.

.
ऑनरने आपला ऑनर ९ लाईट हा स्मार्टफोन बाजारपेठेत उतारण्याची तयारी केली असून यात फ्रंट आणि बॅक या दोन्ही बाजूंनी प्रत्येकी दोन म्हणजे एकूण चार कॅमेरे देण्यात आले आहेत.

.
करवीर नगर वाचन मंदिरातर्फे वाचकांसाठी नित्य नवे उपक्रम केले जातात. या उपक्रमांचाच एक भाग म्हणून 2010 मध्ये अंधांसाठी ब्रेल ग्रंथालय विभाग सुरू केला. याबरोबर अंधांसाठी अब्रार नामक सॉफ्टवेअरही उपलब्ध करून दिले.ग्रंथालय विभाग आणि सॉफ्टवेअरचा लाभ अनेक अंध विद्यार्थी, व्यक्ती घेत आहेत. ब्रेल ग्रंथालयात विविध नामवंत लेखकांची पुस्तके, चरित्रे आहेत. या पुस्तकांनी अंध व्यक्तींच्या जीवनात जगण्याची असीम जिद्द निर्माण केली. आठवड्यातून किमान चार ते पाच अंध व्यक्ती या ग्रंथालयात येऊन वाचनाचा आनंद मिळवितात.


Careers

Advertise with us

Privacy policy
Copyright     TODAY MEDIA NETWORK ,  All rights reserved.