ग्राहकांना ४ जी सेवा ३१ मार्चपर्यंत मोफत

2016-12-01

ग्राहकांना ४ जी सेवा ३१ मार्चपर्यंत मोफत

मुंबई: रिलायन्स जिओ वेगाने प्रगती करत असून गेल्या काही काळात कंपनीने फेसबुक, व्हॉटसअॅप, स्काईपपेक्षा वेगाने प्रगती केली आहे, असे रिलायन्स इंडस्ट्रीज लिमिटेडचे अध्यक्ष मुकेश अंबांनी यांनी सांगितले. ते गुरूवारी मुंबईत आयोजित करण्यात आलेल्या भागधारकांच्या बैठकीत बोलत होते. 
यावेळी मुकेश अंबांनी यांनी जिओच्या भविष्यातील वाटचालीसंदर्भात अनेक महत्त्वपूर्ण घोषणा केल्या. गेल्या तीन महिन्यांपासून जिओला दिवसाला सहा लाख नवे ग्राहक मिळत आहेत. त्यामुळे ८३ दिवसात रिलायन्स जिओने ५ कोटी पेक्षा जास्त ग्राहक जोडल्याचा दावा मुकेश अंबानी यांनी केला. यावेळी मुकेश अंबानी यांनी ‘जिओ हॅप्पी न्यू इयर ऑफर’ या योजनेची घोषणा केली. या योजनेतंर्गत जिओच्या नव्या आणि जुन्या ग्राहकांना ३१ मार्च २०१७ पर्यंत अमर्यादित व्हॉइस सेवा, व्हिडिओ कॉलिंग, एसएमएस आणि फोरजी इंटरनेट सेवा मोफत उपलब्ध होणार आहे. सुरूवातीच्या काळात जिओच्या ग्राहकांना काही समस्यांचा सामना करावा लागला. मात्र, आता जिओचा कॉल ब्लॉक रेट ९० टक्क्यांवरून २० टक्क्यांपर्यंत खाली आल्याचे त्यांनी सांगितले. याशिवाय, आता इतर कंपन्यांच्या ग्राहकांनाही जिओत पोर्ट करण्याची सुविधाही उपलब्ध झाल्याचे मुकेश अंबानी यांनी सांगितले. १ सप्टेंबर २०१६ रोजी जिओची ४जी सेवा लॉन्च झाली. लॉन्च झाल्यापासून अवघ्या तीन महिन्यातच जिओचे ५ कोटींपेक्षा जास्त ग्राहक झाले आहेत. भविष्यात आणखी चांगली सेवा देण्याचे जिओचे प्रयत्न आहेत. तसेच इंटरनेटचा स्पीड वाढवण्यावर जोर देणार आहे.


Social Sharing




आपली प्रतिक्रिया
प्रतिक्रिया

महत्वाच्या बातम्या

इसवी सन पूर्व तिसर्‍या शतकात मौर्य कुळातील चक्रवर्ती राजा सम्राट अशोकाने सध्याच्या उत्तर प्रदेशात येत असलेल्या सारनाथ येथे चार सिंहांची प्रतिकृती असणारा स्तंभ बसविला होता. भारताच्या इतिहासामध्ये सुवर्णकाळ त्यावेळी या भारत भू ने पाहिलेला होता. ब्रिटीशांच्या जोखडातून देश मुक्त झाल्यानंतर या स्तंभाची मुद्रा भारतीय संविधानाने स्विकारलेली होती. चारही बाजूला सिंह असलेली ही मुद्रा भारतीय अस्मितेची आज प्रतिक बनलेली आहे. आंतरराष्ट्रीय पातळीवर राजनैतिक मुद्रा म्हणून या मुद्रेचा सन्मान केला जातो. असे असतानाही 18 वर्षापूर्वी तत्कालीन जिल्हा पोलीस प्रमुख सुरेशराव खोपडेंनी हा अशोकस्तंभ डावलून त्याठिकाणी गरुड सदृश्य कबुतराचा पुतळा पोलीस मुख्यालयाच्या पुढ्यात का बसविला, याचे उत्तर खोपडेंना आज द्यावेच लागणार आहे.

निवृत्त पोलिस अधीक्षक सुरेश खोपडे यांनी कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील यांच्यावर जोरदार तोफ डागली. ते म्हणाले, शांतीदूताचा पुतळा हटवून त्याठिकाणी अशोकस्तंभ लावले जाणार असेल तर नांगरे-पाटील यांची चार जिल्ह्यात जाहगिरी असून तेथील लाखो एकरामध्ये कोठेही ते लावावे. शांततेचे प्रतीक काढणे हे पूर्णत: चुकीचे आहे. शांतीदूताबाबत लोकभावनेचा आदर व्हायला हवा, असे आपले स्पष्ट मत आहे.

मुंबईवरील 26/11 च्या हल्ल्याबाबतची कारणमीमांसा त्यावेळी मुंबईत कर्तव्य बजावणार्‍या तत्कालीन सर्व पोलिस अधिकार्‍यांनी करावी. तंटामुक्ती योजनेसाठी बक्षीसांची खैरात नकोच, अशा अनेक विषयांवर आपण सेवेत असताना परखड व रोखठोकपणे मते मांडल्याने आयपीएस अधिकार्‍यांची लॉबी माझ्या एन्काऊंटरसाठी टपून बसली असल्याचा गौप्यस्फोट निवृत्त पोलिस अधीक्षक सुरेश खोपडे यांनी सातारा येथे पत्रकार परिषदेत केला.

सन २०१६-१७ चे शिवछत्रती क्रीडा पुरस्कार आज जाहीर झाले असून, त्यामध्ये मुंबई विभागातून नेमबाजी (रायफल शूटिंग) या क्रीडा प्रकारात रुचिरा अरुण लावंड हिचे नाव जाहीर झाले आहे. रुचिरा वयाच्या १३ व्या वर्षांपासून या खेळात पारंगत आहे.

टेक-गॅजेट बातम्या

.
लोकप्रिय मेसेजिंग अॅप व्हॉट्सअॅप सातत्याने आपल्या युझर्सना नवनवे फीचर्स देते. आता व्हॉट्सअॅप ग्रुप व्हिडीओ आणि ऑडीओ कॉलिंगचे फिचर देणार आहे.या फिचर बाबात युझर्समध्ये चांगली चर्चा होती. मात्र, त्यावर आता शिक्कामोर्तब झाले आहे.

.
रिलायन्स जिओने प्रजासत्ताक दिनानिमित्त त्यांच्या ग्राहकांसाठी आणखी एक धमाकेदार निर्णय घेतला आहे. टेलिकॉम क्षेत्रातील किंमतयुद्धात महत्वपूर्ण सहभाग नोंदवणार्‍या जिओने आता 26 जानेवारीपासून त्यांच्या 1 जीबी आणि 1.5 जीबी प्रतिदिन डाटा वापरकरर्त्यांना आणखी 500 एमबी लिमिटवाढ दिली आहे. कंपनीच्या सूत्रांनी याबाबतची माहिती दिली. तर रिपब्लिक डे ऑफर अंतर्गत 26 जानेवारीपासूनच सध्याच्या 98 रूपये पॅकची मुदत 14 दिवसांवरून 28 दिवसांपर्यंत वाढवली आहे. जिओने ग्राहकांना नेहमीच वाढीव लाभ दिले आहेत. प्लॅननुसार 50 टक्के जादा डाटा देतानाच जिओने प्रतिस्पर्ध्यांपेक्षा 50 रूपये कमी प्लॅनवर आकारले आहेत. 26 जानेवारीपासून 1 जीबी डाटा मर्यादा 1.5 जीबी होईल, तर 1.5 जीबी डाटा मर्यादा 2 जीबीपर्यंत वाढणार आहे.

.
मोबाईलमधील जुने कॉल डिटेल्स जर तुम्हाला बघायचे असतील तर ते वेळीच शोधणे आणि मिळवणे खूप कठीण काम आहे. आता मोबाईलमध्ये जुने कॉल डिटेल्स शोधायचे असतील तर ही प्रक्रिया सुलभ होण्याची शक्यता आहे. आता mubble app नावाच्या अ‍ॅपमुळे जुने कॉल डिटेल्स शोधणे सहज शक्य होणार आहे. तुम्हाला 7-30 दिवस जुने कॉल डिटेल्स mubble app या अ‍ॅपमुळे शोधणे शक्य होणार असून ते पीडीएफ फाईलच्या स्वरूपात मिळतील. जो इमेल आयडी अ‍ॅपमध्ये द्याल त्याच इमेल आयडीवर कॉल डिटेल्स दिले जातात. हे अ‍ॅप गूगल प्ले स्टोअरमध्ये मोफत डाऊनलोडसाठी उपलब्ध करण्यात आले आहे. अवघ्या दोन मिनिटांत परवानगी मिळताच कॉल डिटेल्सही मिळतील.

.
ऑनरने आपला ऑनर ९ लाईट हा स्मार्टफोन बाजारपेठेत उतारण्याची तयारी केली असून यात फ्रंट आणि बॅक या दोन्ही बाजूंनी प्रत्येकी दोन म्हणजे एकूण चार कॅमेरे देण्यात आले आहेत.

.
करवीर नगर वाचन मंदिरातर्फे वाचकांसाठी नित्य नवे उपक्रम केले जातात. या उपक्रमांचाच एक भाग म्हणून 2010 मध्ये अंधांसाठी ब्रेल ग्रंथालय विभाग सुरू केला. याबरोबर अंधांसाठी अब्रार नामक सॉफ्टवेअरही उपलब्ध करून दिले.ग्रंथालय विभाग आणि सॉफ्टवेअरचा लाभ अनेक अंध विद्यार्थी, व्यक्ती घेत आहेत. ब्रेल ग्रंथालयात विविध नामवंत लेखकांची पुस्तके, चरित्रे आहेत. या पुस्तकांनी अंध व्यक्तींच्या जीवनात जगण्याची असीम जिद्द निर्माण केली. आठवड्यातून किमान चार ते पाच अंध व्यक्ती या ग्रंथालयात येऊन वाचनाचा आनंद मिळवितात.


Careers

Advertise with us

Privacy policy
Copyright     TODAY MEDIA NETWORK ,  All rights reserved.