कराडात दगडफेक; वाहनांची मोडतोड
भीमा कोरेगाव घटनेच्या निषेधार्थ मंगळवारी प्रांत कार्यालयावर मोर्चा काढला. यावेळी आक्रमक झालेल्या जमावाने अचानकपणे दुकाने, हॉटेल वाहनांची तोडफोड केली. जमावाने केलेल्या दगडफेकीत सुमारे पंधरा वाहनांची मोडतोड झाली असून, अनेक दुकानांच्या काचा फोडल्या आहेत. यामध्ये लाखो रुपयांचे नुकसान झाले आहे. त्यानंतर डॉ. बाबासाहेब आंबेडकर पुतळ्याजवळ मोठा जमाव जमल्याने पोलिसांनी बंदोबस्तात वाढ केली. दरम्यान, ढेबेवाडी फाट्यावर टायर पेटविण्याचा प्रयत्न केला. यामुळे कराड शहर व परिसरात तणावाचे वातावरण निर्माण झाले होते.
भीमा कोरेगावच्या घटनेचे पडसाद कराडमध्ये; वाहने, दुकानांची तोडफोड,तुफान दगडफेक
कोरेगाव-भीमा येथील घटनेचे पडसाद मंगळवारी कऱ्हाडात उमटले. जमावाने दुकाने, वाहनांची प्रचंड तोडफोड केली. त्यामुळे शहरात तणावाचे वातावरण निर्माण झाले होते. कोरेगाव-भीमा येथे सोमवारी दगडफेक तसेच तोडफोड झाली होती. या घटनेचे पडसाद राज्यभर उमटत आहेत.
शेतीची वीज बिले भरणार नाही स्वाभिमानी शेतकरी संघटन
शेतकरी वीज कंपनीला कोणतेही देणे लागत नाहीत. शेतकरी वीज बिलांचा भरणा करणार नाही. त्यामुळे कंपनीकडून वीज पुरवठा खंडित केल्यास स्वाभिमानी शेतकरी संघटना सातारा जिल्ह्यातील वीज वितरण कंपनीच्या सर्व कार्यालयांना टाळे ठोकू, असा इशारा स्वाभिमानी शेतकरी संघटना निवेदनाद्वारे दिला आहे.
वीज कर्मचार्‍याचा खांबावरून पडून मृत्यू
चिंचेवाडी येथे विद्युतखांबावर काम करत असताना खांबावरून पडून रामचंद्र बंडू चव्हाण वय 42 या कंत्राटी कामगाराचा मृत्यू झाला. सोमवारी दुपारी ही दुर्घटना घडली. यामुळे कंत्राटी कामगारांच्या सुरक्षेचा प्रश्‍न निर्माण झाला आहे.
पाल यात्रेच्या पार्श्वभूमीवर सातारा पोलिसांकडून मानकऱ्यांना नियमावली
श्री खंडोबा देवाची वार्षिक यात्रा दि.29 डिसेंबर 2017 ते 4 जानेवारी 2018 मौजे पाल ता. कराड येथे साजरी होत आहे. दि.31 डिसेंबर 2017 हा यात्रेचा मुख्य दिवस असून मिरवणुकीसंबंधी मानकरी लोकांना वागण्याबाबत खालील नियम करण्यात आलेले आहेत.
स्व.यशवंतरावांच्या विचारावर काम करणाऱ्या विलासकाकांनी कधीही तत्वांशी तडजोड केली नाही : सुशिलकुमार शिंदे
काँग्रेसचा पराभव एकदा नव्हे तीनवेळा झाला, मात्र ज्या ज्या वेळी विरोधक काँग्रेस संपली असे सांगतात, त्या त्या वेळी ती ज्वालामुखीसारखी उसळून सत्तेवर येते. हा इतिहास विसरता कामा नये. सध्याच्या मतलबी सरकारची भूमिका आता जनतेसमोर स्पष्ट झाली आहे. ती लवकरच संपुष्टात येईल असे स्पष्ट मत माजी केंद्रीय गृहमंत्री सुशिलकुमार शिंदे यांनी व्यक्त करत विलासकाकांची वैचारीक भूमिका संपूर्ण महाराष्ट्राला परिचित आहे. स्व.यशवंतरावांच्या विचारावर काम करणारे आम्ही सर्वजण आहोत. काका हे तत्वाच्या विचाराला साथ करणारे नेते आहेत, निधड्या छातीचा व स्वातंत्र्य सैनिकांचा हा मुलगा विचाराशी कधीही तडजोड करीत नाही असे गौरवोद्गारही त्यांनी यावेळी काढले.
कराडमध्ये ह्रदयविकाराच्या झटक्याने चोरट्याचा मृत्यू;मृतदेह सोडून साथीदार पसार
बंगल्यात चोरी करायला गेलेल्या चोरट्याचा त्याच ठिकाणी हृदयविकाराच्या झटक्याने मृत्यू झाल्याची घटना घडली आहे. ह्रदयविकाराचा झटका आलेल्या चोरट्याचा त्याच ठिकाणी मृत्यू झाल्यावर त्याचा मृतदेह सोडून त्याचे साथीदार पसार झाले. कऱ्हाडजवळच्या गजानन हाऊसिंग सोसायटीमध्ये घडलेली ही घटना मंगळवारी सकाळी दहा वाजण्याच्या सुमारास उघडकीस आली. घटनास्थळावरून मिळालेल्या माहितीनुसार, कऱ्हाडजवळ असणाऱ्या गजानन हाऊसिंग सोसायटीमध्ये जयराम जोशी यांचा बंगला आहे. जोशी हे पॉलिश पेपरचे पश्चिम महाराष्ट्रातील मुख्य वितरक असून बंगल्यातच त्यांनी गोडाऊन व कार्यालय सुरू केलं आहे.
विवाहितेची गळफास घेऊन आत्महत्या
कराड : काले (ता. कराड) येथील विवाहितेने गळफास घेऊन आत्महत्या केली.शनिवार दि.7 रोजी सकाळी ही घटना उघडकीस आली. सुजाता प्रितम देसाई (वय 20, रा. काले, ता. कराड) असे आत्महत्या केलेल्या विवाहितेचे नाव आहे. आत्महत्येचे नेमके कारण समजू शकले नाही. याप्रकरणी विलास धोंडिराम देसाई (वय 55) यांनी कराड तालुका पोलिसांत खबर दिली आहे.
कर्‍हाडमधील साधूचा शिरोळमध्ये भीषण खून
शिरोळ : येथे कल्लेश्‍वर मंदिराच्या आवारात रात्री झोपलेल्या कराड (जि.सातारा) येथील गुरुनाथ आप्पासाहेब लकरणे (वय 66) या वृद्ध साधूचा डोक्यात कम्पाऊंडचा सिमेंट पोल घालून भीषण खून करण्यात आला. सकाळी सहाच्या सुमारास ही घटना उघडकीस आली. कर्नाटकातील शिनाळतंगडी (ता. अथणी) येथील तरुण महादेव ऊर्फ नामदेव बाबुराव पाटील (वय 25) असे खून
उपजिल्हाधिकारी विजय जोशी यांचा बंगला चोरट्यांनी फोडला
कराडः सिंधुदुर्ग जिल्ह्याचे निवासी उपजिल्हाधिकारी विजय जोशी यांचा कराड येथील बंगला चोरट्यांनी फोडला. शनिवारी रोजी रात्री ही घटना घडली. चोरीची माहिती मिळताच पोलिसांनी घटनास्थळी भेट देऊन पाहणी केली. तसेच श्वान पथक व ठसे तज्ञांना पाचारण केले होते.
विनापरवाना बांधकाम केल्या प्रकरणी कर्‍हाडमधील तिघांवर गुन्हा
कराड : विनापरवाना बांधकाम केल्याप्रकरणी कराड नगरपालिकेच्या अधिकाऱ्यांनी दिलेल्या तक्रारीवरून शहर पोलिसात तिघांवर गुन्हा नोंद करण्यात आला आहे. शहरातील बेकायदेशीर बांधकामांबाबत अनेक तक्रारी असतानाही केवळ तिघांवरच कारवाई झाल्याने याबाबत शहरात उलटसुलट चर्चा झाली आहे. नगरपालिकेच्या अधिकाऱ्यांनी इतरही बेकायदेशीर बांधकामाबाबत अशीच तत्परता दाखवावी, अशी मागणी नागरिकांमधून होत आहे.
वादळी वारा व ढगफुटीने तासवडे परिसरात होत्याचे नव्हते झाले
कराड : कराड तालुक्यातील तासवडे, शिरवडे, बेलवडे हवेली तसेच एमआयडीसी परिसरात गुरुवार, दि. 14 रोजी सायंकाळी वादळी वार्‍यासह आलेल्या पावसाने हाहाकार उडाला. ढगफुटीसद‍ृश परिस्थिती निर्माण झाल्याने महामार्गावर मोठे वृक्ष उन्मळून पडल्याने वाहतूक ठप्प झाली होती. विजेचे खांब कोसळल्याने परिसरात सर्वत्र अंधार पसरला होता. याशिवाय अनेक घरांवरील पत्रे वादळी पावसात उडाल्याच्या घटना घडल्या आहेत.
पावसामुळे सैदापूर (ता. कराड) येथील २० घरांत पाणी
कराड : नैसर्गिक ओढ्याला जाणारे पाणी बंद केल्याने आणि कराड-विटा चौपदरीकरणावेळी साठणारे पाणी योग्यरीत्या काढून देण्याकडे झालेले दुर्लक्ष, यामुळे सैदापूर (ता. कराड) येथील अण्णा नांगरेनगरमधील सुमारे 20 घरांत पाणी शिरल्याची धक्‍कादायक घटना बुधवारी सकाळी समोर आली. त्यानंतर ‘मनसे’ पदाधिकार्‍यांनी घटनास्थळी धाव घेत ‘बोंबाबोंब’ आंदोलन केले. या आंदोलनानंतर दुपारी तीनच्या सुमारास प्रांताधिकार्‍यांच्या अध्यक्षतेखाली बैठक होऊन याबाबत कायमस्वरूपी तोडगा काढण्यावर चर्चा झाल्याने ‘मनसे’ने दिलेला रास्ता रोकोचा इशारा मागे घेतला.
चितळे कंपनीच्या टेम्पोची ट्रकला जोरदार धडक; एक ठार, चार जखमी
कराड : पुणे-बंगळूर राष्ट्रीय महामार्गावर बेलवडे हवेली (ता.कराड) येथील उड्डाण पुलावर उभा असणार्‍या ट्रकला पाठीमागून भरधाव वेगात येणार्‍या दूध वाहतूक टेम्पोने जोरदार धडक दिली. या भीषण अपघातात टेम्पो चालक जागीच ठार झाला तर त्यातील चार प्रवाशी जखमी झाले. हा अपघात बुधवारी सकाळी नऊच्या सुमारास घडला. जखमीमध्ये दोन महिला व एक लहान मुलीचा समावेश आहे.
कापिल येथे महिलांनी घेतले कापडी बॅग निर्मितीचे धडे
कराड: १४ व्या वित्त आयोगातून प्राप्त निधीतून कापिल ग्रामपंचायतीने उपजिवीका उपक्रमातर्गंत गावातील महिलांना कापडी बॅग निर्मितीचे प्रशिक्षण ज्ञानदीप राष्ट्रीय सामाजिक व शैक्षणिक विकास संस्थेच्या माध्यमातून दिले. या प्रशिक्षणात महिला बचत गटासह गावातील महिलांनी सहभागी होत विविध प्रकारच्या कापडी बॅग निर्मितीचे धडे घेतले. दरम्यान, या प्रशिक्षणास कराड पंचायत समितीचे पदाधिकार्‍यांसह अधिकार्‍यांनी भेट देवून कापिल ग्रामपंचायत व प्रशिक्षण देणार्‍या ज्ञानदीप संस्थेचे कौतुक केले.
कराडसह मलकापूरमध्ये ऑनलाईन मटका अड्ड्यांवर छापा
कराड : पोलिसांनी कराडसह मलकापूरमध्ये राजरोसपणे सुरु असलेल्या ऑनलाईन मटका सेंटरवर छापे टाकले. यामध्ये रोख रक्कम तसेच मटक्याचे साहित्य असा सुमारे लाखांचा मुद्देमाल पोलिसांनी हस्तगत केला आहे. या छाप्यात ऑनलाईन मटका सेंटरमालकांसह अन्य संशयितांना पोलिसांनी ताब्यात घेतले आहे.
पुणे-बंगळुरु महामार्गावर अपघातात एक जण ठार
कराड : पुणे-बंगळुरु राष्ट्रीय महामार्गावर बेलवडे हवेली (ता.कराड) येथील उड्डाण पुलावर ट्रक आणि टेम्पो यांच्यात भीषण अपघात झाला. या आपघातात टेम्पो चालक जागीच ठार झाला. तर, एका लहान मुलासह चारजण जखमी झाले आहेत. कल्लापा बिराजदार (वय, २७ रा. भिलवडी स्टेशन ता. वाळवा जि.सागंली) असे अपघातात ठार झालेल्या टेम्पो चालकाचे नाव आहे.
वाळू उपशाच्या वादातून रिव्हॉल्व्हर रोखले
कराड : वाळू उपशाच्या वादातून एकास मारहाण करत त्याच्यावर रिव्हॉल्व्हर रोखल्याची घटना येथील तहसील कार्यालयाच्या आवारात सोमवारी सायंकाळी घडली. घटनेनंतर गुन्हे प्रकटीकरण शाखेच्या अधिकारी, कर्मचार्‍यांनी तहसील कार्यालयात धाव घेत चौकशी केली; मात्र याप्रकरणी रात्री उशिरापर्यंत पोलिस ठाण्यात गुन्हा दाखल झालेला नव्हता.
पुणे-बंगळूर राष्ट्रीय महामार्गावर ट्रक पलटी
कराड : पुणे-बंगळूर राष्ट्रीय महामार्गावर कंटेनरला ट्रकने धडक दिल्‍याने ट्रक पलटी झाला आहे. या अपघातात कंटेनर चालक जखमी झाला आहे. अमरदिप रघुनाथ लोखंडे (वय, २६ रा. दारोर ता. जि. बीड )असे जखमी झालेल्‍या कंटेनर चालकाचे नाव आहे.
घरगुती गणेशमुर्तींचे हौदात विसर्जन करुन पर्यावरण संवर्धनाचा संदेश
कराड: पर्यावरणपूरक गणेशोत्सव साजरा करीत नदीच्या पाण्याचे प्रदूषण होवू नये, या जाणीवेतून घरगुती गणेशमुर्तीचे परसबागेतील हौदात विसर्जन करण्यासह निर्माल्यापासून खतनिर्मितीचा उपक्रम ज्ञानदीप राष्ट्रीय सामाजिक व शैक्षणिक विकास संस्थेच्या पुढाकारातून राबवत गणेशभक्तांनी पर्यावरण संवर्धनाचा संदेश दिला.

Careers

Advertise with us

Privacy policy
Copyright     TODAY MEDIA NETWORK ,  All rights reserved.