मद्यपि पोलिसाची होमगार्डला मारहाण
उंब्रज ता. कराड येथील पोलिस ठाण्यातील एका कर्मचार्‍याने रात्र गस्तीच्या बंदोबस्तात असलेल्या होमगार्डला दारूच्या नशेत शिवीगाळ व मारहाण केली. सदरची घटना रविवार दि.25 फेब्रुवारी रोजी रात्री 11 वा.च्या सुमारास घडली आहे. याप्रकरणी फिर्याद घेण्यास पोलिस टाळाटाळ करीत आहेत. दरम्यान सदर घटनेचा व्हिडिओ सोशल मीडियावर व्हायरल झाला असून, मद्यपि पोलिस कर्मचार्‍यावर तात्काळ कारवाई करावी, अशी मागणी ग्रामस्थांनी केली आहे.
मलकापूरमध्ये ३ ठिकाणी घरफोडी
चोरट्यांनी मलकापूर, कोयना वसाहतीला पुन्हा लक्ष्य केले असून शास्त्रीनगरमधील एकाच रात्रीत तीन ठिकाणी घरफोडीच्या घटना घडल्या आहेत. गुरुवारी सकाळी हा प्रकार उघडकीस आला.
अनाथाश्रमावर छापा, २० हून अधिक बालके ताब्यात
कोळे ता. कराड येथील अनाथाश्रमावर केंद्रीय दत्तक प्राधिकरण विभागाच्या पथकाने छापा टाकून वीसहून अधिक बालके ताब्यात घेतली. गुरूवारी सायंकाळी ही कारवाई करण्यात आली. ताब्यात घेतलेल्या बालकांना शासकीय आश्रमात हलविण्याची कार्यवाही सुरू होती.
जेवण आहे का? विचारत ढाबा मालकाचे अपहरण
पुणे - बंगळूर राष्ट्रीय महामार्गालगत वारूंजी (ता. कराड) गावच्या हद्दीत असणाऱ्या समर्थ पाटील या ढाब्याच्या मालकाचे चौघा अनोळखी संशयितांनी अपहरण केल्याची धक्कादायक घटना मंगळवारी रात्री घडली. विक्रम कृष्णा करांडे (रा. कोडोली, ता. कराड) असे त्या मालकाचे नाव असून बुधवार दुपारपर्यंत त्याचा शोध लागला नव्हता. दरम्यान, याप्रकरणी कराड शहर पोलिस ठाण्यात चौघा अज्ञाताविरूद्ध गुन्हा नोंद करण्यात आला आहे.
सीसीटीव्हीत दिसले अन् पोलिसांना सापडले
शहर पोलिस ठाण्यातील सीसीटीव्ही कॅमेर्‍यात ठाणे अंगलदाराला दरोडेखोरांच्या हालचाली संशयास्पद दिसल्या. त्यावर नजर ठेवून अन्य पोलिस कर्मचार्‍यांना ठिकाणावर पाठवल्याने दरोडेखोरांना पकडण्यात पोलिसांना यश आले. ठाणे अंमलदारा आप्पासाहेब ओंबासे यांच्या प्रसंगावधानाचे कौतुक जिल्हा पोलिसप्रमुख संदीप पाटील यांनी केले असून त्यांना रिवॉर्ड जाहीर केले.
हॉटेलमधील स्फोटाने कराड हादरले
कराडमधील मुख्य बाजारपेठ म्हणून ओळखला जाणाऱ्या चावडी चौकातील बसवेश्वर कॉम्पलेक्समधील स्वप्नील रेस्टॉरंटमध्ये सोमवारी सकाळी सहाच्या सुमारास जोरदार स्फोट झाला. या स्फोटामुळे चावडी चौक परिसरातील सुमारे 10 ते 12 दुकानाच्या, तसेच अनेक घरांच्या काचा पूर्णपणे फुटल्या आहेत. या घटनेत लाखो रूपयाचे नुकसान झाले असून स्फोटाचे कारण अद्याप स्पष्ट झालेले नाही.
एसटी चालकाला दगडाने मारहाण
ट्रॅक्टर चालकाने एसटी चालकाला दगडाने मारहाण केल्याची घटना कराड तालुक्यातील सुर्ली घाटात सोमवारी (दि. 12) सकाळी 11.30 च्या सुमारास घडली. याप्रकरणी एसटीचालक गंभीर जखमी असून ट्रॅक्टरचालकावर पोलिसांत गुन्हा नोंद करण्यात आला आहे. दत्तात्रय श्रीरंग शिंदे (वय 31, रा. आंबेगाव, ता. कडेगाव) असे जखमी एसटीचालकाचे नाव आहे.
कालवडेचे दोघे अपघातात ठार
मोटारसायकलला अज्ञात वाहनाने धडक दिल्याने झालेल्या अपघातात आबासो यशवंत मोरे (वय 36) व राजाराम आत्माराम थोरात (वय 28, दोघेही रा. कालवडे, ता. कराड जि. सातारा) हे दोघेजण जागीच ठार झाले. वाळवा तालुक्यातील नेर्लेजवळ राष्ट्रीय महामार्गावर हा अपघात गुरुवारी रात्री घडला. या अपघाताची नोंद कासेगाव पोलिसांत झाली आहे.
हातावर बाटली फोडून युवकाची आत्महत्या
आजाराला कंटाळून युवकाने हातावर काचेची बाटली फोडून तसेच काचेने नस कापून घेऊन आत्महत्या केली. येथील बसस्थानकानजीकच्या मैदानात बुधवारी दुपारी बारा वाजण्याच्या सुमारास ही घटना घडली.
बबन पोतदार यांना स्व.रामचंद्र चेगणे जीवनगौरव पुरस्कार
साहित्य क्षेत्रामध्ये भरीव योगदान दिल्याबद्दल मसूर, जि. सातारा येथील गुंफण अकादमीतर्फे दिला जाणारा स्व. रामचंद्र चेणगे जीवनगौरव पुरस्कार ज्येष्ठ ग्रामीण कथाकार बबन पोतदार यांना जाहीर झाला असल्याची माहिती अकादमीचे अध्यक्ष डॉ. बसवेश्वर चेणगे यांनी दिली.
शेतकऱ्यांसाठी बळीराजा स्वाभिमानी एकत्र
गेल्‍या तीन दिवसांपूर्वी स्वाभिमानी शेतकरी संघटना आणि बळीराजा शेतकरी संघटनांनी एकत्रित येत कराडमध्ये धुळ्यातील धर्मा पाटील यांना न्याय मिळावा, म्हणून रास्तारोको आंदोलन केले होते. तीन वर्षापूर्वीपर्यत या दोन्ही संघटनांचे कार्यकर्ते स्वाभिमानीच्या झेंड्याखाली एकत्र होते. आता शेतकरी हितासाठी बळीराजाने चर्चेची तरारी दर्शवली आहे. त्यामुळेच बळीराजाने एक पाऊल पुढे टाकले आहे. आता स्वाभिमानीची भूमिका काय असेल? याबाबत उत्सुकता लागून राहिली आहे.
जेष्ठ तमाशा कलावंत रामचंद्र बनसोडे-करवडीकर यांचे निधन
येथील जेष्ठ तमाशा कलावंत रामचंद्र बनसोडे-करवडीकर यांचे (वय ७५) यांचे बुधवारी दुपारी करवडी (ता. कराड) येथे दिर्घ आजाराने निधन झाले. राष्ट्रपती पुरस्कारप्राप्त तमाशा सम्राज्ञी मंगला बनसोडे करवडीकर यांचे ते पती होत.
१ एप्रिलपासून बेकायदा रिक्षांवर हातोडा
31 मार्चपर्यंत रिक्षा आरटीओ कार्यालयाकडे नोंदणी करणे बंधनकारक आहे. त्यामुळे 1 एप्रिलपासून ज्या रिक्षा चालकांकडे योग्य ती कागदपत्रे नसतील आणि यापूर्वीच स्क्रॅपमध्ये काढलेल्या रिक्षा रस्त्यावर धावत असतील, तर त्यांच्यावर कठोर कारवाई करण्यात येणार असल्याचे संकेत कराडचे उपप्रादेशिक परिवहन अधिकारी अजित शिंदे यांनी दिले आहेत.
विहीरीत पडून बिबट्याचा दुर्देवी अंत
सह्याद्री व्याघ्र प्रकल्पाच्या बफर झोन मधील रासाटी: आंबेघर गावातील धनगरवाडा येथील विहीरीत पडून बिबट्याचा दुर्देवी अंत झाला. बिबट्या ज्या विहीरीत पडला. त्याला कठडा नव्हता. त्यात एक मृत मांजरही सापडले आहे. त्यामुळे त्या मांजराचा पाठलाग करत आलेल्या बिबट्याला विहीर न दिसल्याने तो त्यात पडला असावा, असाही अंदाज व्यक्त होतो आहे. त्या विहीरीला कठडे बांधण्यासाठी निधी मंजूर असतानाही ते न बांधल्याने बिबट्याचा अंत झाला. वन्य जीव विभागाच्या गचाळ कारभारामुळे बिबट्या मेल्याने वन्यजीव प्रेमींसह स्थानिक नागरीकांच्या संतप्त भावना आहेत.
एकाच घरात ब्रिगेडियर कॅप्टन अन् लेप्टनंटही
कराड तालुक्यातील कोणेगावला देशसेवेची परंपरा आहे. या गावाला सैनिकांचे गाव म्हणूनही ओळखले जाते. ही परंपरा जपत या गावाने आता आपली नवी ओळख निर्माण केली आहे. या गावचे सुपूत्र सुरेश चव्हाण यांच्या घरात तीन लाल दिवे असून ते स्वतः ब्रिगेडियर तर त्यांची दोन्ही मुले लेप्टनंट व कॅप्टन पदावर कार्यरत आहेत.
कराडात आज हिंदू एकताचे उपोषण
लोकशाही मार्गाने आम्ही हिंदू समाजात लव्ह जिहादविरुद्ध पदयात्रा काढणार होतो. मात्र, अभिव्यक्‍ती स्वातंत्र्यावर घाला घालत लोकशाहीचा अवमान करत परवानगी नाकारण्यात आली आहे. त्यामुळे आज आम्ही कराडमध्ये लाक्षणिक उपोषण करणार आहोत. सायंकाळपर्यंत परवानगी न मिळाल्यास आम्ही हे उपोषण पदयात्रेला परवानगी मिळेपर्यंत सुरू ठेवणार असल्याचा इशारा हिंदू एकता आंदोलन समितीचे प्रांताध्यक्ष नगरसेवक विनायक पावसकर यांनी दिला आहे.
कार्वे मारामारी: १२ जणांवर गुन्हे
कार्वे ता. कराड येथे युवकांच्या दोन गटात जुना वाद उफाळून येऊन मारामारी झाली. यात तीनजण जखमी असून परस्परविरोधी तक्रारीवरून दोन्ही गटाच्या 12 जणांवर कराड तालुका पोलिस ठाण्यात गुन्हा दाखल करण्यात आला आहे. गुरूवारी सायंकाळी ही मारामारी झाली होती. विजय शिरीष थोरात (वय22), ओंकार धनाजी पाटोळे (वय 18) व अमन मुल्ला अशी जखमींची नावे आहेत.
कराड येथील न्यायालयाच्या आवारात 21 जानेवारीला कायदेविषयक महाशिबीराचे आयोजन
राष्ट्रीय विधी सेवा प्राधिकरण, दिल्ली यांच्या निर्देशानुसार सातारा जिल्हा विधी सेवा प्राधिकरणातर्फे 21 जानेवारी रोजी दुपारी 12 ते 4 या वेळेत कराड येथील न्यायालयाच्या आवारात कायदेविषयक महाशिबीराचे आयोजन करण्यात आले आहे, अशी माहिती जिल्हा विधी सेवा प्राधिकरणाच्या सदस्य सचिव वर्षा पारगावकर यांनी दिली आहे.
लग्नाचा बनाव रचून वृद्धाची पाच लाखाची फसवणूक; दोन महिलांसह पाच जणांवर गुन्हा
बेलवडे बुद्रुक, ता. कराड येथील 70 वर्षांच्या वृद्धाचे लग्न लावून देण्याचा बनाव करून त्या वृद्धाचाची सुमारे पाच लाखांची फसवणूक केली आहे. ३ लाखांची रोकड व ५ तोळे वजनाचे सोन्याचे दागिने लुटल्याप्रकरणी दोन महिलांसह पाच जणांवर फसवणुकीचा गुन्हा कराड तालुका पोलीस ठाण्यात दाखल करण्यात आला आहे.
गुंफण सद्भावना साहित्य संमेलनाच्या अध्यक्षपदी डॉ. महेंद्र कदम यांची निवड
सीमाभागातील जांबोटी (ता. खानापूर, जि. बेळगाव) येथे रविवार दि. 11 फेब्रुवारी रोजी होणार्‍या 15 व्या गुंफण सद्भावना साहित्य संमेलनाच्या अध्यक्षपदी प्रसिध्द साहित्यिक व टेंभुर्णी (जि. सोलापूर) येथील विठ्ठलराव शिंदे महाविद्यालयाचे प्राचार्य डॉ. महेंद्र कदम यांची निवड झाली आहे. मसूर (जि. सातारा) येथील गुंफण अकादमीतर्फे हे एकदिवसीय साहित्य संमेलन भरविण्यात येत आहे. या संमेलनात कविसंमेलन, कथाकथन तसेच परिसंवादाचा लाभ श्रोत्यांना होणार असल्याचे गुंफण अकादमीचे अध्यक्ष डॉ. बसवेश्‍वर चेणगे यांनी सांगितले.

Careers

Advertise with us

Privacy policy
Copyright     TODAY MEDIA NETWORK ,  All rights reserved.