पुणे- सोलापूर महामार्गावर अपघात: तीन ठार
पुणे-सोलापूर महामार्गावर वरवंड गावाच्या हद्दीत झालेल्या अपघातात तीन जणांचा जागीच मृत्यू झाला असून यामध्ये उरळी कांचन येथील आई आणि मुलाचा समावेश आहे.
डी. एस. कुलकर्णी यांना अखेर अटक
प्रसिद्ध बांधकाम व्यावसायिक दीपक सखाराम कुलकर्णी अर्थात डीएसके यांना अखेर दिल्लीत अटक करण्यात आली आहे. पुणे पोलिसांच्या आर्थिक गुन्हे शाखेने आज पहाटे पाच वाजताच्या सुमारास दिल्लीत ही कारवाई केली. डीएसके यांना दिल्लीतील त्यांच्या घरातून अटक करण्यात आली. आता त्यांना पुण्यातील कोर्टात हजर करण्यात येईल.
पुण्यात व्यावसायिकाची पत्नी, मुलींचा खून करून आत्महत्या
शिवणे येथे एका व्यावसायिकाने पत्नी व दोन मुलींची हत्या करत स्वतः गळफास घेऊन आत्महत्या केल्याची धक्कादायक घटना शुक्रवारी रात्री साडेदहाच्या सुमारास उघडकीस आली. त्याचा खिशात सूसाईड नोट सापडली असून कर्जबाजारीपणामुळे हे कृत्य करीत असल्याचे त्यात म्हटले आहे.
बहिणीबरोबर चॅटींग केले म्‍हणून युवकावर जीवघेणा हल्‍ला
बहिणीशी चॅटींग केल्याचा राग मनात धरून भावाने एका तरूणावर जीवघेणा हल्ला केल्याची घटना डोंबिवलीजवळच्या आजदे गावात गुरुवारी संध्याकाळी घडली. या हल्ल्यात जखमी झालेल्या तरूणावर निवासी विभागातील एम्स हॉस्पिटलमध्ये उपचार सुरू आहेत. हल्लेखोर भाऊ अद्याप फरार असून पोलिस त्याचा शोध घेत आहेत.
खासदार अमर साबळेंच्या रूपाने पिंपरी चिंचवड शहराला मंत्रीपद मिळेल : खा. ए.टी. नाना पाटील
निष्ठावंत कार्यकर्त्यांना त्यांच्या निष्ठेचं फळ नक्कीच मिळत असते. त्याचं मूर्तिमंत उदाहरण म्हणजे खासदार अमर साबळे हे आहेत. त्यांच्या या पक्षनिष्ठेच्या बळावर पिंपरी चिंचवड शहरातील पहिलं मंत्रिपद त्यांना मिळू शकते, असे भाकीत खासदार ए. टी. नाना पाटील यांनी वर्तवले.
रचनात्मक जीवन विद्येची पदवी देणारे सिद्दगिरी ज्ञानपीठ : खा. विनय सहस्रबुद्धे
आजच्या जागतिकीकरणाच्या पार्श्व भूमीवर गावपातळीवरील शक्ती स्थानाचा नेमके पणे वेध घेऊन ती विकसीत करण्याची रचनात्मक जीवन विद्येची दृष्टी देणारे सिद्दगिरी ज्ञानपीठ हे देशात सर्वत्र पोहचावे असे गौरव उद्गार सह अपेक्षा भाजपा नेते खा. विनय सहस्रबुद्धे यांनी काढले. सिद्दगिरी कारागीर महाकुंभ मध्ये त्यांनी आज सदिच्छा भेट देऊन सर्व कारागिरांची व त्यांच्या परंपरागत वस्तू निर्मितीची माहिती घेतली.
मेहुण्याला नोकरी देतो सांगत बायकोलाच घातला 5 लाखांचा गंडा
लोकांची फसवणूक करुन त्यांच्याकडून पैसे लाटल्याप्रकरणी ललित सावंत नावाच्या एका व्यक्तीला काही दिवसांपुर्वी पोलिसांनी अटक केली. त्याची चौकशी केली असता एक आश्चर्यकारक माहिती समोर आली आहे. लोकांची फसवणूक करताना त्याने आपल्या घरालाही सोडलं नाही. आपल्या पत्नीलाही त्याने जाळ्यात ओढल्याचं समोर आलं आहे. पत्नीला तुझ्या भावाला नोकरी लावून देतो असो सांगत त्याने चक्क पाच लाख रुपये लाटले. ललितची स्टोरी एखाद्या बॉलिवूड चित्रपटाला साजेशी आहे. त्याचा जन्म मुंबईतील खेतवाडी परिसरात झाला. त्याने एमपीएससीची परिक्षा दिली होती. पण त्यात नापास झाल्याने एका कंपनीत नोकरी करु लागला.
क्रिकेट खेळतानाच त्याने मैदानावर जीव सोडला...
''महेश क्रिकेटचा खूप चाहता होता. अष्टपैलू खेळाडू म्हणून खेळला आणि क्रिकेट खेळतानाच मैदानावर त्याने जीव सोडला; परंतु तो गेला आहे असे अजूनही वाटत नाही,'' अशा शब्दांत 'जयश्री पॉलिमर'चे दिवंगत अष्टपैलू क्रिकेटपटू महेश पाटील यांच्या संघ सहकाऱ्यांनी स्वतःच्या भावना व्यक्त केल्या.
लग्नास पैसे न दिल्याने मालकाची निर्घृण हत्या
लग्नासाठी पैसे न दिल्याने संतप्त झालेल्या नोकराने अमरावतीच्या एमआयडीसीतील राजेंद्र ऑईल इंडस्ट्रीजच्या मालकाचा तीक्ष्ण हत्याराने खून केला. ठाकूरदास धुलारामजी करेसिया असे खून झालेल्या मालकाचे नाव आहे. याप्रकरणी आरोपीला अटक करण्यात आली आहे. विश्‍वास रामुजी शेषकार असे आरोपीचे नाव आहे.
अवघ्या काही मिनिटांत 2.24 लाख कोटी गमावले
मुंबई शेअर बाजाराच्या निर्देशांकामध्ये शुक्रवारी पुन्हा एकदा मोठी घसरण झाली. आज सकाळी बाजार सुरू होताच सेन्सेक्स 563 अंकांनी आपटला आणि तो 33 हजार 849.65 अंकांवर पोहोचला. तर राष्ट्रीय शेअर बाजार अर्थात निफ्टीत देखील 1.5 टक्क्यांची घसरण होत तो 10 हजार 500च्या खाली आला.
मोबाईल चोरांमुळे कल्याणमधील तरुणी लोकल ट्रेनमधून पडली, अल्पवयीन मुलाला अटक
मध्य रेल्वेवरील सॅण्डहर्स्ट रोड रेल्वे स्थानकाजवळ मोबाईल चोरांमुळे एका तरुणीला गंभीर दुखापतींना समोरे जावे लागले आहे. लोकल ट्रेनमध्ये दरवाजाजवळ बोलत असताना मोबाईल चोराने हातावर काठी मारल्याने २३ वर्षांची तरुणी ट्रेनमधून खाली पडली. यात त्या मुलीला डाव्या हाताची काही बोटं आणि उजव्या पायाचा काही भाग गमवावा लागला. सध्या द्रवितावर रुग्णालयात उपचार सुरु आहेत.
सरकारी कर्मचाऱ्यांना फाईव्ह डे वीक
सरकार आणि प्रशासन व्यवस्था ही लोकशाहीच्या रथाची दोन चाके आहेत. या दोघांनीही एकमेकांना सहकार्य करत पुढे जाण्याची आवश्यकता आहे. राज्य सरकारी कर्मचार्‍यांना पाच दिवसांचा आठवडा आणि निवृत्तीचे वय 60 वर्षे करण्याबाबत सरकार सकारात्मक असून या दोन्ही गोष्टी अंतिम टप्प्यात आहेत. त्याचबरोबर केंद्र सरकारच्या धर्तीवर राज्यातील कर्मचार्‍यांनाही सातवा वेतन आयोग लागू करण्यासंदर्भात यावर्षीच्या अर्थसंकल्पात तरतूद करण्यात येणार असल्याची घोषणा मुख्यमंत्री देवेंद्र फडणवीस यांनी बुधवारी केली.
सोन्याचे दागिने लंपासप्रकरणी पोलिसासह तिघांवर गुन्हा दाखल
वडगाव पोलिसांनी जप्‍त केलेल्या तीन किलो सोन्यापैकी अर्धा किलो सोन्याचे दागिने लंपास केल्याप्रकरणी एका पोलिसासह पोलिसमित्र व त्याच्या चालकावर वडगाव पोलिस ठाण्यात रात्री उशिरा गुन्हा नोंद झाला. या प्रकाराने पोलिस यंत्रणेत खळबळ उडाली आहे.
प्रेयसीची छेड काढल्याचा जाब विचारल्याने खून
प्रेयसीची छेड काढल्याचा जाब विचारल्याच्या कारणावरून तरुणाचा धारदार रॅम्बो सुऱ्याने वार करून खून केल्याचे पोलिस तपासात निष्पन्न झाले. या प्रकरणी तिघांना मार्केट यार्ड पोलिसांनी अटक केली आहे. त्यांना १० फेब्रुवारीपर्यंत पोलिस कोठडीत ठेवण्याचा आदेश न्यायालयाने दिला आहे.
कोयत्याने वार करुन मित्राची हत्या
मैत्रीच्या नात्याला काळीमा फासणारी घटना सोलापूर जिल्ह्यातल्या माळशिरस तालुक्यात घडली आहे. येथील पिराळे गावात दोन मित्रांनी कोयत्यानं वार करुन आपल्याच मित्राची हत्या केल्याची धक्कादायक घटना समोर आली आहे. महेश कारंडे असं मृत विद्यार्थ्याचं नाव असून हे सगळे समता माध्यमिक विद्यालयाचे विद्यार्थी आहेत. याप्रकरणी पोलिसांनी दोन अल्पवयीन आरोपींना अटक केली आहे.
'त्या' निर्दयी हत्येचा अखेर उलघडा
गेल्या आठवड्यात टिटवाळा- मांडा परिसरात गळयापासून मुंडके व कमरेपासून खालचा भाग कापून गोणीत बांधलेल्या अवस्थेतील मृतदेह पोलिसांना सापडला होता. या हत्येचा तपास करताना पोलिसांसमोर मोठे आव्हान उभे राहिले होते. ठाणे ग्रामीण क्राईम शाखेने या हत्येचा अखेर छडा लावला.
9 तासांत पार केलं 47 कि.मीचे अंतर
राजस्थानच्या एका 14 वर्षीय मुलीनं सलग 47 तास पोहत नवा विक्रम प्रस्थापित केला आहे. राजस्थानमधील उदयपूरस्थित 14 वर्षीय गौरवी सिंघवी या जलतरणपटूने जुहू बीचपासून ते गेटवे ऑफ इंडिया हे 47 किलोमीटर समुद्रातील अंतर पोहून पार केले. मंगळवारी पहाटे 3.30 वाजता तिने पोहायला सुरुवात केल्यानंतर गेटवेला ती दुपारी 1: 32 वाजता पोहोचली. हे 47 किलोमीटरचे अंतर नऊ तास आणि 23 मिनीटांमध्ये यशस्वीरीत्या तिने पार करत विक्रम प्रस्थापित केला
पुणे-सांगली आता अवघ्या पावणे पाच तासात
पुण्याहून सांगलीला अवघ्या 4 तास 37 मिनिटांत पोहोचणे शक्य झाले आहे. हबिबगंज-धारवाड एक्स्प्रेस ही गाडी सुरू करण्यात आली असून ती पुणे सांगलीमार्गे धावणार आहे.
पैसे किंवा दागिने नाही तर कपडे चोरणारा चोर मुंबईत सक्रीय
कांदिवली पोलीस सध्या एका अशा चोराचा शोध घेत आहेत जो घर आणि दुकानांमधून हजारो रुपये नाही तर शर्ट आणि पँट चोरी करत आहे. मिळालेल्या माहितीनुसार, गुरुवारी एस व्ही रोडवरील ज्ञानदर्शन बिल्डिंगमध्ये राहणा-या कापड व्यवसायिक कुणाल सोमानी यांनी पोलीस ठाण्यात तक्रार दाखल केली आहे. कुणाल सोमानी यांनी दिलेल्या तक्रारीनुसार, दुकानातून 100 शर्ट, 150 जिन्स आणि 40 टी-शर्ट गायब झाले आहेत. चोरांनी इमारतीमधील दुकान क्रमांक 2,3,4 आणि 5 मधून ही चोरी केली आहे.
पहिल्या खासगी गुप्तहेर रजनी पंडित गजाआड
भारतातील पहिली खासगी महिला गुप्तहेर रजनी शांताराम पंडित (55) यांना शुक्रवारी ठाणे गुन्हे अन्वेषण पथकाने दादर येथून अटक केली. गेली 27 वर्ष खासगी गुप्तहेर एजन्सी चालविणार्‍या पंडित यांना दिल्लीतील कॉल डिटेल्स रेकॉडर्स अर्थात सीडीआर विकणार्‍या टोळीकडून बेकायदेशीरपणे सीडीआर विकत घेतल्याप्रकरणी अटक करण्यात आली आहे. त्यांना आज न्यायालयात हजर केले जाणार आहे.

Careers

Advertise with us

Privacy policy
Copyright     TODAY MEDIA NETWORK ,  All rights reserved.